వివో వై15ఎస్ స్మార్ట్ ఫోన్ ఫిలిప్పీన్స్‌లో లాంచ్ అయింది. ఇందులో ఆండ్రాయిడ్ 11 ఆపరేటింగ్ సిస్టంను అందించారు. 5000 ఎంఏహెచ్ బ్యాటరీ కూడా ఇందులో ఉంది. వివో మల్టీ టర్బో 3.0 ఫీచర్ ద్వారా 1 జీబీ స్టోరేజ్‌ను ర్యామ్‌ను పెంచుకోవచ్చు. ఈ మధ్య లాంచ్ అవుతున్న ఫోన్లలో ఈ వర్చువల్ ర్యామ్ ఫీచర్‌ను అందిస్తున్నారు.
వివో వీ15ఏ ధర
ఇందులో కేవలం 4 జీబీ ర్యామ్ + 64 జీబీ స్టోరేజ్ మాత్రమే అందుబాటులో ఉంది. దీని ధరను ఫిలిప్పీన్స్‌లో 7,999 పెసోలుగా(మనదేశ కరెన్సీలో సుమారు రూ.11,900) నిర్ణయించారు. మిస్టిక్ బ్లూ, వేవ్ గ్రీన్ రంగుల్లో దీన్ని కొనుగోలు చేయవచ్చు.
వివో వై15ఏ స్పెసిఫికేషన్లు
ఆండ్రాయిడ్ 11 ఆధారిత ఫన్‌టచ్ ఓఎస్ 11.1 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.51 అంగుళాల హెచ్‌డీ+ ఐపీఎస్ ఎల్సీడీ డిస్‌ప్లేను అందించారు. మీడియాటెక్ హీలియో పీ35 ప్రాసెసర్‌పై ఈ ఫోన్ పనిచేయనుంది. 4 జీబీ ర్యామ్, 64 జీబీ స్టోరేజ్‌ను ఇందులో అందించారు. ఎక్స్‌టెండెడ్ ర్యామ్ ఫీచర్ ద్వారా స్టోరేజ్‌లో 1 జీబీని ర్యామ్‌గా మార్చుకోవచ్చు.
ఇక కెమెరాల విషయానికి వస్తే.. ఇందులో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా, దీంతోపాటు 2 మెగాపిక్సెల్ సూపర్ మాక్రో లెన్స్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.
దీని బ్యాటరీ సామర్థ్యం 5000 ఎంఏహెచ్‌గా ఉంది. 10W ఫాస్ట్ చార్జింగ్‌ను ఇది సపోర్ట్ చేయనుంది. 4జీ, మైక్రో యూఎస్‌బీ పోర్టు, బ్లూటూత్ వీ5.0, వైఫై వంటి కనెక్టివిటీ ఫీచర్లు ఇందులో అందించారు. ఫోన్ పక్కభాగంలో ఫింగర్ ప్రింట్ సెన్సార్‌ను అందించారు. ఫేస్ అన్‌లాక్ ఫీచర్ కూడా ఇందులో ఉంది. దీని మందం 0.82 సెంటీమీటర్లుగానూ, బరువు 179 గ్రాములుగానూ ఉంది.
Also Read: రూ.10 వేలలోనే ఒప్పో కొత్త ఫోన్.. ఫీచర్లు ఎలా ఉన్నాయంటే?
Also Read: Lava AGNI 5G: స్వదేశీ 5జీ ఫోన్ వచ్చేసింది.. ఇలా కొంటే రూ.2,000 తగ్గింపు!
Also Read: రూ.18 వేలలోపే 5జీ ఫోన్.. భారీ డిస్‌ప్లే కూడా!
Also Read: 7 అంగుళాల భారీ డిస్‌ప్లేతో హానర్ కొత్త ఫోన్.. అదిరిపోయే ఫీచర్లు.. 5జీ కూడా!