Vivo V40e: మోస్ట్ అవైటెడ్ వివో వీ40ఈ వచ్చేసింది - రూ.30 వేలలో బెస్ట్ ఫోన్ ఇదేనా?

Vivo New Phone: ప్రముఖ చైనీస్ స్మార్ట్ ఫోన్ బ్రాండ్ వివో తన మోస్ట్ సక్సెస్‌ఫుల్ వీ సిరీస్‌లో కొత్త ఫోన్ లాంచ్ చేసింది. అదే వివో వీ40ఈ. ఈ ఫోన్ ధర రూ.28,999 నుంచి ప్రారంభం కానుంది.

Vivo V40e Launched: వివో వీ40ఈ స్మార్ట్ ఫోన్ (Vivo V40e) మనదేశంలో లాంచ్ అయింది. ఇందులో మీడియాటెక్ డైమెన్సిటీ 7300 ప్రాసెసర్‌ను అందించారు. దీని బ్యాటరీ సామర్థ్యం 5500 ఎంఏహెచ్ కాగా, 80W వైర్డ్ ఫ్లాష్ ఛార్జింగ్‌ను ఇది సపోర్ట్ చేయనుంది. ఇందులో వెనకవైపు 50 మెగాపిక్సెల్ డ్యూయల్ కెమెరా సెటప్‌ను అందించారు. సెల్ఫీలు, వీడియో కాల్స్ కోసం ముందువైపు 50 మెగాపిక్సెల్ సెల్ఫీ కెమెరా అందుబాటులో ఉంది. 4కే వీడియో రికార్డింగ్‌ను ఇది సపోర్ట్ చేయనుంది. ఇన్ డిస్‌‌ప్లే ఫింగర్ ప్రింట్ సెన్సార్, రెండు కలర్ ఆప్షన్లతో ఈ ఫోన్ మార్కెట్లోకి రానుంది.

వివో వీ40ఈ ధర (Vivo V40e Price in India)
ఈ ఫోన్ రెండు వేరియంట్లలో మనదేశంలో అందుబాటులో ఉంది. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.28,999గా నిర్ణయించారు. ఇక 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.30,999గా ఉంది. మింట్ గ్రీన్, రాయల్ బ్రాంజ్ కలర్ ఆప్షన్లలో దీన్ని కొనుగోలు చేయవచ్చు.

అక్టోబర్ 2వ తేదీ నుంచి ఫ్లిప్‌కార్ట్‌లో దీనికి సంబంధించిన సేల్ ప్రారంభం కానుంది. వివో ఇండియా ఈ-స్టోర్, మెయిన్‌లైన్ స్టోర్లలో దీన్ని కొనుగోలు చేయవచ్చు. ఫ్లిప్‌కార్ట్, కంపెనీ అధికారిక వెబ్‌సైట్ల ద్వారా దీన్ని కొనుగోలు చేయవచ్చు. 

వివో వీ40ఈ స్పెసిఫికేషన్లు, ఫీచర్లు (Vivo V40e Specifications)
వివో వీ40ఈ స్మార్ట్ ఫోన్‌లో 6.77 అంగుళాల ఫుల్ హెచ్‌డీ+ 3డీ కర్వ్‌డ్ అమోఎల్ఈడీ స్క్రీన్‌ను అందించారు. దీని స్క్రీన్ రిఫ్రెష్ రేట్ 120 హెర్ట్జ్ కాగా, హెచ్‌డీఆర్10+ సపోర్ట్ కూడా ఉంది. వెట్ టచ్ ఫీచర్ ద్వారా తడి చేతులతో కూడా ఫోన్‌ను సులభంగా ఉపయోగించవచ్చు. 8 జీబీ వరకు ఎల్పీడీడీఆర్4ఎక్స్ ర్యామ్, 256 జీబీ యూఎఫ్ఎస్ 2.2 ఆన్‌బోర్డ్ స్టోరేజ్ ఇందులో ఉన్నాయి. ఆండ్రాయిడ్ 14 ఆధారిత ఫన్‌టచ్ఓఎస్ 14 ఆపరేటింగ్ సిస్టంపై ఈ ఫోన్ రన్ కానుంది. 4ఎన్ఎం మీడియాటెక్ డైమెన్సిటీ 7300 చిప్‌సెట్‌పై వివో వీ40ఈ పని చేయనుంది.

ఇక కెమెరాల విషయానికి వస్తే... ఫోన్ వెనకవైపు డ్యూయల్ కెమరా సెటప్ ఉంది. వీటిలో ప్రధాన కెమెరాగా 50 మెగాపిక్సెల్ సామర్థ్యమున్న సోనీ ఐఎంఎక్స్882 సెన్సార్‌ను అందించారు. ఇది ఆప్టికల్ ఇమేజ్ స్టెబిలైజేషన్‌ను సపోర్ట్ చేనుంది. దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 50 మెగాపిక్సెల్ సెన్సార్ అందించారు. ముందు, వెనక కెమెరాలు రెండూ 4కే వీడియ రికార్డింగ్‌ను సపోర్ట్ చేస్తాయి.

దీని బ్యాటరీ సామర్థ్యం 5500 ఎంఏహెచ్ కాగా, 80W వైర్డ్ ఫాస్ట్ ఛార్జింగ్‌ను సపోర్ట్ చేయనున్నాయి. ఐపీ64 రేటింగ్ ఉన్న డస్ట్, స్ప్లాష్ రెస్టిసెన్స్ ఫీచర్లు కూడా అందించారు. డ్యూయల్ 5జీ, 4జీ ఎల్టీఈ, వైఫై, ఓటీజీ, జీపీఎస్, బ్లూటూత్ వీ5.4, యూఎస్‌బీ టైప్-సీపోర్టు ఫీచర్లు కూడా ఉన్నాయి. సెక్యూరిటీ కోసం ఇన్‌డిస్‌ప్లే ఫింగర్ ప్రింట్ సెన్సార్ కూడా ఉంది. దీని మందం 0.74 సెంటీమీటర్లు కాగా, బరువు 183 గ్రాములుగా ఉంది.