Tecno Pova 2 India Launch: 7000 ఎంఏహెచ్ బ్యాటరీతో టెక్నో స్మార్ట్‌ఫోన్.. ధర, ఫీచర్ల పూర్తి వివరాలు

ప్రముఖ స్మార్ట్ ఫోన్ బ్రాండ్ టెక్నో నుంచి కొత్త ఫోన్ రానుంది. టెక్నో పోవా 2 పేరున్న ఈ ఫోన్ ఆగస్టు 5న మనదేశంలో లాంచ్ కానుంది. 7000 ఎంఏహెచ్ బ్యాటరీ కెపాసిటీతో రానున్న ఈ ఫోన్ ధర రూ.11 వేల లోపే ఉండనుంది.

భారత స్మార్ట్ ఫోన్ మార్కెట్‌లోకి మరో బిగ్ బ్యాటరీ కెపాసిటీ ఫోన్ ఎంట్రీ ఇవ్వనుంది. ప్రముఖ స్మార్ట్ ఫోన్ బ్రాండ్ టెక్నోకు చెందిన పోవా 2 (Tecno Pova 2) సార్ట్ ఫోన్ మన దేశంలో ఆగస్టు 5న మధ్యాహ్నం 12 గంటలకు లాంచ్ కానుంది. మీడియాటెక్ హీలియో జీ85 ఎస్ఓసీ ప్రాసెసర్‌తో ఇది పనిచేయనుంది. ఈ ఫోన్ బ్యాటరీ సామర్థ్యం 7000 ఎంఏహెచ్‌. ఈ ఫోన్ ఇప్పటికే ఫిలిప్పీన్స్‌లో లాంచ్ అవ్వగా.. తాజాగా ఇండియా మార్కెట్లో విడుదలకు సిద్ధంగా ఉంది. దీనికి సంబంధించిన వివరాలను అమెజాన్ టీజర్ రూపంలో విడుదల చేసింది. ఈ ఫోన్ విడుదలకు సంబంధించి కంపెనీ సీఈవో అరిజీత్ తలపాత్రా సైతం ఇటీవల ట్వీట్ చేశారు. 

టెక్నో వేరియంట్లు, ధర.. 
టెక్నో పోవా 2 ఫోన్ రెండు వేరియంట్లలో అందుబాటులోకి రానుంది. 4 జీబీ ర్యామ్ + 64 జీబీ స్టోరేజ్‌ వేరియంట్‌ ధర రూ.10,999గా, 6 జీబీ ర్యామ్ + 128 జీబీ స్టోరేజ్‌ వేరియంట్‌ ధర రూ.12,999గా నిర్ణయించారు. ప్రారంభ ఆఫర్ కింద రూ.500 తగ్గింపును అందించనున్నారు. ఇది డాజిల్ బ్లాక్, ఎనర్జీ బ్లూ, పోలార్ సిల్వర్ కలర్ ఆప్షన్లలో విడుదల కానుంది. ఈ స్మార్ట్ ఫోన్ల సేల్ ఆగస్టు 5 నుంచి అమెజాన్‌లో ప్రారంభం కానుంది. 

టెక్నో పోవా 2 స్పెసిఫికేషన్ల వివరాలు.. 

• టెక్నో పోవా 2లో 6.9 అంగుళాల ఫుల్‌హెచ్‌డీ+ (1080) డిస్‌ప్లే ఉంటుంది. 


• 2 గిగా హెడ్జ్ ఆక్టాకోర్ మీడియాటెక్ హీలియో జీ 85 ప్రాసెసర్‌తో ఇది పనిచేయనుంది 


• గేమ్ స్పేస్ 2.0, గేమ్ వాయిస్ చేంజర్, సిస్టం టర్బో 2.0 ఫీచర్లు ఇందులో ఉన్నాయి. 


• బ్యాటరీ సామర్థ్యం 7000 ఎంఏహెచ్‌గా ఉంది. 18W ఫాస్ట్ చార్జింగ్ సపోర్ట్ కూడా అందించారు. 


• దీని స్టాండ్‌బై సమయం 46 రోజుల వరకు ఉంటుంది. అలాగే 31 గంటల వీడియో ప్లేబ్యాక్, 233 గంటల మ్యూజిక్ ప్లే టైమ్, 49 గంటల కాలింగ్ టైమ్, 20 గంటల వెబ్ బ్రౌజింగ్ సమయాన్ని ఈ ఫోన్ అందిస్తుందని కంపెనీ పేర్కొంది.


• 6 జీబీ ర్యామ్ + 128 జీబీ స్టోరేజ్‌ వేరియంట్‌తో స్టో అందుబాటులోకి వచ్చింది. మైక్రో ఎస్‌డీ కార్డు ద్వారా స్టోరేజ్ సామర్థ్యాన్ని పెంచుకోవచ్చు. ఆండ్రాయిడ్ 11 ఆధారంగా ఇది పనిచేస్తుంది.  


• ఇందులో వెనక వైపు నాలుగు కెమెరాలను అందించారు. మెయిన్ కెమెరా (Primary Camera) సామర్థ్యం 48 మెగాపిక్సెల్ కాగా, 2 మెగాపిక్సెల్ డెప్త్ సెన్సార్, 2 మెగాపిక్సెల్ మాక్రో సెన్సార్, 2 మెగాపిక్సెల్ ఏఐ లెన్స్ కూడా ఉన్నాయి. ముందు వైపు 8 మెగాపిక్సెల్ సెన్సార్‌ను అందించారు. 

• కనెక్టివిటీ ఆప్షన్లుగా వైఫై, జీపీఎస్, మైక్రో యూఎస్‌బీ పోర్టు, 4జీ ఎల్టీఈ, బ్లూటూత్, 3.5 ఎంఎం హెడ్ ఫోన్లు ఉన్నాయి. 


• ప్రొక్సిమిటీ సెన్సార్, లైట్ సెన్సార్, యాక్సెలరో మీటర్, కంపాస్/ మాగ్నెటో మీటర్ వంటివి కూడా ఇందులో ఉన్నాయి.