Realme 9 5G: రూ.15 వేలలోపే రియల్‌మీ కొత్త 5జీ ఫోన్ - ఆండ్రాయిడ్ 12 కూడా - వచ్చేది ఎప్పుడంటే?

ప్రముఖ స్మార్ట్ ఫోన్ బ్రాండ్ రియల్‌మీ తన కొత్త 5జీ ఫోన్ మనదేశంలో లాంచ్ చేయనున్నట్లు తెలుస్తోంది. అదే రియల్‌మీ 9 5జీ.

Realme 9 5G Launch: రియల్‌మీ 9 ప్రో సిరీస్ ఇటీవలే మనదేశంలో లాంచ్ అయింది. రియల్‌మీ 9 ప్రో, రియల్‌మీ 9 ప్రో ప్లస్ స్మార్ట్ ఫోన్లు ఈ సిరీస్‌లో లాంచ్ అయ్యాయి. ఇప్పుడు ఇందులో రియల్‌మీ 9 5జీ స్మార్ట్ ఫోన్ త్వరలో లాంచ్ కానుందని తెలుస్తోంది. మార్చిలో ఈ ఫోన్ లాంచ్ కానుందని వార్తలు వస్తున్నాయి.

లాంచ్‌కు ముంగిట ఈ ఫోన్‌కు సంబంధించిన ర్యామ్, స్టోరేజ్ ఆప్షన్ వివరాలు లీకయ్యాయి. దీంతో పాటు కలర్ ఆప్షన్ వివరాలు కూడా బయటకు వచ్చాయి. ప్రైస్ బాబా కథనం ప్రకారం... 4 జీబీ ర్యామ్ + 64 జీబీ స్టోరేజ్, 6 జీబీ ర్యామ్ + 128 జీబీ స్టోరేజ్ వేరియంట్లు ఇందులో ఉండనున్నట్లు తెలుస్తోంది. స్టార్‌గేజ్ వైట్, సూపర్ సోనిక్ బ్లూ, సూపర్ సోనిక్ బ్లాక్, మీటియోర్ బ్లాక్ రంగుల్లో ఈ ఫోన్ లాంచ్ కానుంది.

గతంలో లాంచ్ అయిన రియల్‌మీ 8 5జీకి తర్వాతి వెర్షన్‌గా ఈ ఫోన్ లాంచ్ కానుంది. రియల్‌మీ 8 5జీలో మూడు వేరియంట్లు లాంచ్ అయ్యాయి. వీటిలో 4 జీబీ ర్యామ్ + 64 జీబీ స్టోరేజ్, 4 జీబీ ర్యామ్ + 128 జీబీ స్టోరేజ్, 8 జీబీ ర్యామ్ + 128 జీబీ స్టోరేజ్ వేరియంట్లు అందుబాటులో ఉన్నాయి. రియల్‌మీ 8 5జీ ధర మనదేశంలో రూ.15,499 నుంచి ప్రారంభం అవుతోంది. రియల్‌మీ 9 5జీ ధర రూ.15 వేలలోపే ఉండే అవకాశం ఉంది.

రియల్‌మీ 9 5జీ స్పెసిఫికేషన్లు
ఇప్పటివరకు లీకైన స్పెసిఫికేషన్ల ప్రకారం... ఇందులో 6.5 అంగుళాల ఫుల్ హెచ్‌డీ+ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గా ఉండనుంది. మీడియాటెక్ డైమెన్సిటీ 810 ప్రాసెసర్‌పై ఈ ఫోన్ పనిచేయనుందని తెలుస్తోంది. 8 జీబీ వరకు ర్యామ్, 128 జీబీ వరకు స్టోరేజ్ ఇందులో అందించనున్నారు.

ఇక కెమెరా విషయానికి వస్తే... ఇందులో వెనకవైపు మూడు కెమెరాలు ఉండనున్నాయి.వీటిలో ప్రధాన కెమెరా సామర్థ్యం 48 మెగాపిక్సెల్ కాగా... దీంతోపాటు 2 మెగాపిక్సెల్, 2 మెగాపిక్సెల్ డెప్త్ సెన్సార్ కూడా ఉండనున్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా అందించనున్నారు.

దీని బ్యాటరీ సామర్థ్యం 5000 ఎంఏహెచ్‌గా ఉండనుంది. 18W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. ఆండ్రాయిడ్ 12 ఆధారిత రియల్‌మీ యూఐ 3 ఆపరేటింగ్ సిస్టంపై ఈ ఫోన్ పనిచేయనుంది. స్టీరియో స్పీకర్ సెటప్, 3.5 ఎంఎం హెడ్‌ఫోన్ జాక్ కూడా ఇందులో అందించనున్నారు. చార్జింగ్ పెట్టుకోవడానికి యూఎస్‌బీ టైప్-సీ పోర్టు కూడా ఇందులో ఉండనుంది. ఫింగర్ ప్రింట్ సెన్సార్‌ను ఫోన్ పక్కభాగంలో అందించనున్నారు.