వన్‌ప్లస్ 9ఆర్‌టీ ఇటీవలే చైనాలో లాంచ్ అయిన సంగతి తెలిసిందే. ఈ ఫోన్ త్వరలో మనదేశంలో కూడా లాంచ్ కానుంది. గతంలో లాంచ్ అయిన వన్‌ప్లస్ 9ఆర్‌కు అప్‌గ్రేడెడ్ వెర్షన్‌గా ఈ ఫోన్ లాంచ్ కానుంది. ఇందులో వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్‌గా ఉంది. క్వాల్‌కాం స్నాప్‌డ్రాగన్ 888 ప్రాసెసర్‌పై ఈ ఫోన్ పనిచేయనుంది. 120 హెర్ట్జ్ అమోఎల్ఈడీ డిస్‌ప్లే, ఫాస్ట్ చార్జింగ్ టెక్నాలజీలు ఇందులో అందించారు.
మనదేశంలో వన్‌ప్లస్ 9ఆర్‌టీ ధర(అంచనా)
వన్‌ప్లస్ 9ఆర్‌టీ స్మార్ట్ ఫోన్ ధర మనదేశంలో రూ.40 వేల నుంచి రూ.44 వేల వరకు ఉండనుందని ప్రముఖ టిప్‌స్టర్ యోగేష్ బ్రార్ తెలిపారు. గతేడాది లాంచ్ అయిన వన్‌ప్లస్ 8టీ కూడా మనదేశంలో రూ.42,999కే లాంచ్ అయింది. ఈ రేంజ్‌లోనే వన్‌ప్లస్ 9ఆర్‌టీ కూడా ఉండనుంది.
వన్‌ప్లస్ 9ఆర్‌టీ చైనాలో మూడు వేరియంట్లలో లాంచ్ అయింది. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.3,299 యువాన్లుగా ఉంది. ఇక 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.3,499 యువాన్లుగానూ(సుమారు రూ.40,900), 12 జీబీ ర్యామ్ + 256 జీబీ స్టోరేజ్ వేరియంట్ ధర 3,799 యువాన్లుగానూ(సుమారు రూ.44,400) ఉంది. ఈ ఫోన్ మనదేశంలో ఈ నెలలోనే లాంచ్ అయ్యే అవకాశం ఉంది.
వన్‌ప్లస్ 9ఆర్‌టీ స్పెసిఫికేషన్లు
ఇందులో 6.62 అంగుళాల ఫుల్ హెచ్‌డీ+ శాంసంగ్ ఈ4 అమోఎల్ఈడీ డిస్‌ప్లేను అందించనున్నారు. దీని యాస్పెక్ట్ రేషియో 20:9గా ఉంది. ఉంది. స్క్రీన్ రిఫ్రెష్ రేట్ 120 హెర్ట్జ్‌గా ఉంది. దీని టచ్ శాంప్లింగ్ రేట్ 1300 హెర్ట్జ్‌గా ఉండటం విశేషం. క్వాల్‌కాం స్నాప్‌డ్రాగన్ 888 ప్రాసెసర్‌పై ఈ ఫోన్ పనిచేయనుంది.
12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉన్నాయి. ఆండ్రాయిడ్ 11 ఆధారిత ఒప్పో కలర్ఓఎస్ ఆపరేటింగ్ సిస్టంపై వన్‌ప్లస్ 9ఆర్‌టీ పనిచేయనుంది. 4500 ఎంఏహెచ్ డ్యూయల్ సెల్ బ్యాటరీని ఇందులో అందించారు. 65టీ వార్ప్ చార్జ్ ఫాస్ట్ చార్జింగ్‌ను ఇది సపోర్ట్ చేయనుంది.
ఈ స్మార్ట్‌ఫోన్‌లో వెనకవైపు మూడు కెమెరాలు ఉన్నాయి. వీటిలో ప్రధాన కెమెరాగా 50 మెగాపిక్సెల్ సోనీ ఐఎంఎక్స్766 సెన్సార్‌ను అందించారు. దీంతోపాటు 16 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో షూటర్ కూడా ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ సోనీ ఐఎంఎక్స్471 సెల్ఫీ కెమెరాను అందించారు.
యాక్సెలరో మీటర్, యాంబియంట్ లైట్ సెన్సార్, గైరోస్కోప్, మ్యాగ్నెటోమీటర్, ప్రాక్సిమిటీ సెన్సార్ కూడా ఇందులో అందించారు. డ్యూయల్ స్టీరియో స్పీకర్లు, డాల్బీ అట్మాస్ సపోర్ట్ కూడా ఇందులో ఉంది. 5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్టు కూడా ఇందులో ఉన్నాయి. దీని మందం 0.83 సెంటీమీటర్లు కాగా, బరువు 198.5 గ్రాములుగా ఉంది.
Also Read: Star Link: ఎలాన్ మస్క్ బ్రాడ్‌బ్యాండ్ వచ్చేస్తుంది.. తెలుగు రాష్ట్రాల్లో మొదట ఆ పట్టణంలోనే!
Also Read: అత్యంత చవకైన 5జీ ఫోన్ లాంచ్ చేసిన నోకియా.. ఫీచర్లు ఎలా ఉన్నాయంటే?