Jio Diwali Special Plan: జియో దీపావళి స్పెషల్ ప్లాన్ ఇదే - అన్‌లిమిటెడ్ 5జీ కూడా!

Jio Diwali Special Plan: ఇండియాలో నంబర్ వన్ టెలికాం కంపెనీ జియో దీపావళి ఆఫర్‌గా ప్రత్యేకమైన ప్లాన్‌ను అందుబాటులోకి తీసుకువచ్చింది. అదే జియో రూ.101 ప్లాన్.

Jio Diwali Offer: దేశంలోని ప్రముఖ టెలికాం కంపెనీ రిలయన్స్ జియో దీపావళి ఆఫర్‌గా ఉచిత ఇంటర్నెట్ సౌకర్యాన్ని అందిస్తుంది. సెప్టెంబరులో కంపెనీ ఎయిర్‌ఫైబర్‌తో ఒక సంవత్సరానికి ఉచిత ఇంటర్నెట్ ప్లాన్‌ను ప్రవేశపెట్టింది. అదే సమయంలో దీపావళికి ముందు జియో అనేక ప్రత్యేక ప్లాన్‌లను ప్రవేశపెట్టింది. ఈ ప్లాన్‌ల్లో ఒకటి వినియోగదారులకు అపరిమిత డేటా ప్లాన్‌ను కూడా అందిస్తోంది. దీని ద్వారా కస్టమర్లు ఇంటర్నెట్‌ను వీలైనంత ఎక్కువగా ఉపయోగించుకునే అవకాశం ఉంది.

రిలయన్స్ జియో రూ.101 ప్లాన్
రిలయన్స్ జియో రూ.101 ప్లాన్... ఎయిర్‌టెల్, వొడాఫోన్ ఐడియా వంటి టెలికాం కంపెనీలకు పోటీని ఇస్తుంది. ఈ రూ.101 ప్లాన్ కింద వినియోగదారులు అపరిమిత 5జీ డేటా ప్రయోజనాన్ని పొందవచ్చు. అయితే జియో 5జీ నెట్‌వర్క్ కనెక్టివిటీ ఏ ప్రాంతంలో అందుబాటులో ఉందో అక్కడ మాత్రమే అన్‌లిమిటెడ్ 5జీ డేటా ప్రయోజనాన్ని పొందగలరు. ఈ ప్లాన్‌తో రూ. 101కి 4జీ కనెక్టివిటీతో 6 జీబీ డేటా అందిస్తారు. ఇది నిజమైన అన్‌లిమిటెడ్ అప్‌గ్రేడ్ ప్లాన్ కాబట్టి ఈ ప్లాన్‌ని కొన్ని సెలెక్టెడ్ రీఛార్జ్ ప్లాన్‌లతో ఉపయోగించవచ్చు.

రోజుకు 1.5 జీబీ డేటా ఇచ్చే ప్లాన్‌తో పాటు మీరు ఈ రీఛార్జ్ ప్లాన్‌ను తీసుకోవాలి. మీరు రోజుకు 1.5 జీబీ డేటా ప్రయోజనాన్ని అందించే ప్లాన్‌తో రీఛార్జ్ చేసుకోవచ్చు. అలాగే దీనికి రెండు నెలల వ్యాలిడిటీ ఉంటుంది.

అదనపు డేటా కోసం...
ప్రతిరోజూ 1 నుంచి 1.5 జీబీ డేటాను ఉపయోగించడం చాలా సులభం అయిపోయింది. అంతకంటే ఎక్కువ ఇంటర్నెట్ అవసరమయ్యే వినియోగదారులు ఈ ప్లాన్‌ను ఉపయోగించుకోవచ్చు. రూ. 101 ప్లాన్‌ని ఎంచుకోవడం ద్వారా అదనపు డేటాను ఉపయోగించవచ్చు.