భారత క్రికెటర్ ఇషాంత్ శర్మ 33వ పుట్టిన రోజు నిన్న(02-09-2021). ఈ సందర్భంగా సోషల్ మీడియా వేదికగా సహచర, మాజీ, క్రికెటర్లు, అభిమానులు పెద్ద ఎత్తున శుభాకాంక్షలు తెలుపుతున్నారు.
సిక్సర్ల హీరో యువరాజ్ సింగ్ మరో అడుగు ముందుకు వేసి ఇషాంత్‌కి ప్రత్యేకంగా విషెస్ చెప్పాడు. ఈ సందర్భంగా ఓ సెల్ఫీ వీడియోను యువీ తన ఇన్‌స్టాగ్రామ్‌లో పోస్టు చేసి ఇషాంత్ శర్మకి పుట్టిన రోజు శుభాకాంక్షలు తెలిపాడు. ఇషాంత్ శర్మ వాయిస్‌ని మిమిక్రీ చేసిన వీడియోను పోస్టు చేశాడు. ఈ వీడియోకి యువీ ‘హ్యాపీ బర్త్ డే. లాట్స్ ఆఫ్ లవ్ అండ్ బెస్ట్ విషెస్. భారత్ x ఇంగ్లాండ్ సిరీస్‌లో బాగా రాణించాలని కోరుకుంటున్నా’అని తన పోస్టులో రాసుకొచ్చాడు. ప్రస్తుతం ఈ వీడియో వైరల్‌గా మారింది.
యువీతో పాటు ఇషాంత్ శర్మకు ICC, BCCI,దిల్లీ క్యాపిటల్స్‌, భారత క్రికెటర్లు వృద్ధీమాన్‌ సాహా, దినేశ్ కార్తీక్‌ ట్విటర్ ద్వారా పుట్టిన రోజు శుభాకాంక్షలు తెలిపారు. ఇంగ్లాండ్‌తో 5 టెస్టు మ్యాచ్‌ల సిరీస్ కోసం ప్రస్తుతం టీమిండియా ఇంగ్లాండ్‌లో పర్యటిస్తోన్న సంగతి తెలిసిందే. ఇంగ్లాండ్‌లో పర్యటిస్తోన్న టీమిండియా జట్టులో ఇషాంత్ శర్మ సభ్యుడు.
ఇంగ్లాండ్‌లో టీమిండియాతో కలిసి ఇషాంత్ పుట్టిన రోజు వేడుకలు చేసుకున్నాడు. ఈ సందర్భంగా ఓ ఫొటోను ట్విటర్ ద్వారా షేర్ చేసి తనకు శుభాకాంక్షలు తెలిపిన వారందరికీ ధన్యవాదాలు తెలిపాడు. ఓవల్ వేదికగా ఇంగ్లాడ్-భారత్ జట్ల మధ్య జరుగుతున్న నాలుగో టెస్టు తుదిజట్టులో ఇషాంత్ శర్మకు చోటు దక్కలేదు.