IPL 2022 CSK vs SRH: ఐపీఎల్‌ 2022లో 17వ మ్యాచ్‌ టాస్‌ పడింది. చెన్నై సూపర్‌ కింగ్స్‌తో జరుగుతున్న ఈ మ్యాచులో సన్రైజర్స్ హైదరాబాద్‌ టాస్‌ గెలిచింది. పిచ్‌ను పరిశీలించిన కేన్‌ విలియమ్సన్‌ వెంటనే ఫీల్డింగ్‌ ఎంచుకున్నాడు. హైదరాబాద్‌ తరఫున మార్కో జెన్సన్, శశాంక్ సింగ్ అరంగేట్రం చేయబోతున్నారు. చెన్నైలో డ్వేన్‌ ప్రిటోరియస్‌ స్థానంలో మహీశ్‌ థీక్షణ వస్తున్నాడు.
CSKదే పైచేయి
ఇండియన్‌ ప్రీమియర్‌ లీగులో (IPL) చెన్నై సూపర్‌ కింగ్స్‌, సన్రైజర్స్ హైదరాబాద్‌ (CSK vs SRH) ఇప్పటి వరకు 16 మ్యాచుల్లో తలపడ్డాయి. 12-4తో సీఎస్‌కేదే ఆధిపత్యం. సన్రైజర్స్ కేవలం నాలుగు మ్యాచులే గెలిచింది. చివరి సారి తలపడ్డ ఐదింట్లోనూ విజిల్‌ పొడు బ్యాచుకు తిరుగులేదు. వారు 4 గెలిస్తే హైదరాబాద్‌ ఒక్కటే గెలిచింది. అంటే శనివారం జరిగే మ్యాచులో చెన్నై ఫేవరెట్‌ అనడంలో సందేహం లేదు.
CSK vs SRH Playing XI
చెన్నై సూపర్‌ కింగ్స్‌ (CSK playing xi): రుతురాజ్‌ గైక్వాడ్‌, రాబిన్‌ ఉతప్ప, మొయిన్‌ అలీ, అంబటి రాయుడు, రవీంద్ర జడేజా, శివమ్‌ దూబె, ఎంఎస్ ధోనీ, డ్వేన్‌ బ్రావో, మహీశ్‌ థీక్షణ, క్రిస్‌ జోర్డాన్‌, తుషార్‌ దేశ్‌ పాండే
సన్రైజర్స్ హైదరాబాద్‌ (SRH playing xi): రాహుల్‌ త్రిపాఠి, అభిషేక్ శర్మ, కేన్‌ విలియమ్సన్‌, అయిడెన్‌ మార్‌క్రమ్‌, నికోలస్‌ పూరన్‌, వాషింగ్టన్‌ సుందర్‌, శశాంక్ సింగ్, మార్కో జెన్సన్, భువనేశ్వర్‌ కుమార్, ఉమ్రాన్ మాలిక్, టి.నటరాజన్‌