PCB Chief Selector Inzamam UL Haq Resigned: 2023 వన్డే ప్రపంచకప్‌లో పాకిస్తాన్ క్రికెట్ జట్టు పేలవ ప్రదర్శన తర్వాత పీసీబీలో గందరగోళం నెలకొంది. పాకిస్తాన్ క్రికెట్‌లో ఆరోపణలు, ప్రత్యారోపణల పర్వం కొనసాగుతోంది. మరోవైపు పాకిస్తాన్ జట్టు చీఫ్ సెలక్టర్ ఇంజమామ్ ఉల్ హక్ తన పదవికి రాజీనామా చేశారు. చాలా మంది ఆటగాళ్లను ఇంజమామ్ ఉపయోగించుకున్నారని ఆరోపించారు.
ఇన్ని ఆరోపణల మధ్య ఇంజమామ్ ఉల్ హక్ చీఫ్ సెలక్టర్ పదవికి రాజీనామా చేయాలని నిర్ణయించుకున్నారు. 2023లో భారత్‌లో జరుగుతున్న వన్డే ప్రపంచకప్‌లో పాకిస్తాన్ జట్టు చాలా పేలవమైన ఫామ్‌లో ఉంది. బాబర్ ఆజం సారథ్యంలోని పాకిస్తాన్ క్రికెట్ జట్టు ఆరు మ్యాచ్‌లు ఆడింది. ఈ ప్రపంచ కప్‌లో ఆ జట్టు నాలుగు మ్యాచ్‌ల్లో ఓటమిని చవిచూసింది.
టోర్నమెంట్‌లో పాకిస్తాన్ పేలవమైన ప్రదర్శన తర్వాత జట్టులోని చాలా మంది మాజీ ఆటగాళ్లు కూడా కెప్టెన్ బాబర్ ఆజంను లక్ష్యంగా చేసుకున్నారు. చాలా మంది క్రికెట్ నిపుణులు, పాకిస్తాన్ మాజీ ఆటగాళ్లు ప్రపంచ కప్‌లో జట్టు పేలవమైన ప్రదర్శనకు బాబర్ ఆజమే బాధ్యుడని భావించారు. చాలా మంది ఆటగాళ్లు కూడా సలహాలు ఇచ్చారు. కెప్టెన్‌గా ఇతర ఆటగాళ్ల పేర్లను సూచించారు. ప్రస్తుతం బాబర్ మూడు ఫార్మాట్లలో పాకిస్తాన్ రెగ్యులర్ కెప్టెన్‌గా ఉన్నాడు.
అక్టోబర్ 6వ తేదీన నెదర్లాండ్స్‌తో జరిగిన ప్రపంచ కప్‌లో పాకిస్తాన్ తన మొదటి మ్యాచ్‌ను ఆడింది. ఇందులో బాబర్ కెప్టెన్సీలోని పాకిస్తాన్ జట్టు 81 పరుగుల తేడాతో విజయం సాధించింది. దీని తర్వాత ప్రపంచకప్‌లో చారిత్రాత్మక పరుగుల ఛేదనలో శ్రీలంకపై పాకిస్తాన్ ఆరు వికెట్ల తేడాతో విజయం సాధించింది.
అనంతరం బాబర్ జట్టు భారతదేశంతో మూడో మ్యాచ్ ఆడింది. ఇందులో బాబర్ ఆర్మీ ఏడు వికెట్ల తేడాతో ఓడిపోయింది. దీని తర్వాత ఆ జట్టు విజయం సాధించలేక పోయింది. అప్పటి నుంచి ఇప్పటి వరకు ఆడిన అన్ని మ్యాచ్‌ల్లోనూ పాకిస్తాన్ ఓడిపోయింది. భారత్ తర్వాత పాకిస్తాన్... ఆస్ట్రేలియా చేతిలో 62 పరుగుల తేడాతో, ఆఫ్ఘనిస్థాన్‌పై ఎనిమిది వికెట్ల తేడాతో, దక్షిణాఫ్రికాపై ఒక వికెట్ తేడాతో ఓడిపోయింది.
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial