Vastu tips: మానసిక ఆరోగ్యం అనేది మన శ్రేయస్సుకు ఒక ముఖ్యమైన అంశం, ఇది మన ఎలా ఆలోచ‌న‌ల‌ను, అనుభూతుల‌ను, ప్ర‌వ‌ర్త‌న‌ను ప్రభావితం చేస్తుంది. ఇది ఒత్తిడిని జ‌యించ‌డం, సవాళ్లను అధిగమించడం, సంబంధాలను ఏర్పరచుకోవడంతో పాటు లక్ష్యాలను చేరుకునేలా మన సామర్థ్యాన్ని కూడా ప్రభావితం చేస్తుంది.
కొన్నిసార్లు, వ్యక్తిగత సమస్యలు, పని ఒత్తిడి, పర్యావరణ ఒత్తిళ్లు, జీవనశైలి అలవాట్లు వంటి అనేక అంశాలు మన మానసిక ఆరోగ్యాన్ని ప్రతికూలంగా ప్రభావితం చేస్తాయి. ఇలాంటి స‌మ‌యాల్లో మన మానసిక ఆరోగ్యాన్ని మెరుగుపరచడానికి, మన జీవన నాణ్యతను మెరుగుపరచడానికి వాస్తు నిపుణులు కొన్ని సులభమైన, ప్రభావవంతమైన మార్గాలను సూచించాచారు.
మన మానసిక శ్రేయస్సు, ఆనందానికి తోడ్పడేలా ఇంట్లో సానుకూల, సమతుల్య వాతావరణాన్ని సృష్టించడానికి మన చుట్టూ ఉన్న శక్తి ప్రవాహాన్ని సమన్వయం చేయడం వాస్తు శాస్త్రం ఏకైక ఉద్దేశం. దీని ప్రకారం, మీ మానసిక ఆరోగ్యాన్ని మెరుగుపరచడానికి, మీరు అనుసరించగల సాధారణ వాస్తు నియమాలు:
1. ధ్యానం మీ మనస్సును ప్రశాంతపరుస్తుంది, ఒత్తిడిని తగ్గిస్తుంది, ఏకాగ్ర‌త‌ను పెంచుతుంది. ఆనందాన్ని పెంపొందిస్తుంది. వాస్తు శాస్త్రం ప్రకారం, మీరు ధ్యానం చేసుకునేందుకు తూర్పు లేదా ఈశాన్య దిశలు ఉత్త‌మం. ఎందుకంటే ఈ దిశలు సానుకూల శక్తి, జ్ఞానోదయం, జ్ఞానంతో సంబంధం కలిగి ఉంటాయి. మీరు ధ్యానం చేస్తున్నప్పుడు తూర్పు ముఖంగా ఉండటం వలన ఉదయించే సూర్యుడి లేలేత కిరణాలతో సమలేఖనం చేయడంలో మీకు సహాయపడుతుంది.
2. మీరు మీ ధ్యాన మందిరాన్ని తెలుపు, వివిధ రంగుల ఉన్ని, లేత పసుపు లేదా ఆకుపచ్చ వంటి రంగులతో అలంకరించవచ్చు. ఆహ్లాదకరమైన వాతావరణాన్ని సృష్టించడానికి కొవ్వొత్తులు, అగరబత్తులు లేదా సుగంధ ద్ర‌వ్యాలను ఉపయోగించవచ్చు. మీరు మీ ఇష్టమైన దేవతలు, చిహ్నాలు లేదా మీకు స్ఫూర్తినిచ్చే వస్తువులతో కూడిన పవిత్రమైన పీఠాన్ని కూడా ఉంచవచ్చు.
3. మీ ప్రధాన ద్వారం సానుకూల శక్తిని ఆకర్షించే విధంగా, ప్రతికూల శక్తిని తిప్పికొట్టే విధంగా రూపొందించి, నిర్వహించాలి. ఇంటి ప్రధాన ద్వారం ప్రధాన గదిగా ఉండకూడదని, సవ్యదిశలో ఇంటి లోపలికి తెరవాలని వాస్తు నిపుణులు సూచిస్తున్నారు.
4. ప్రధాన ద్వారం తెరిచినప్పుడు లేదా మూసివేసినప్పుడు కిర్రుమ‌ని శబ్దం చేయకూడదు. ఇది బాత్రూమ్, షూ రాక్, డస్ట్‌బిన్ మ‌రే ఇత‌ర వ‌స్తువుల‌కూ త‌గ‌ల‌కూడ‌దు. ప్రధాన ద్వారాన్ని ప్రకాశవంతమైన రంగులతో అలంకరించాలి.
5. మీ పడకగదిలో మీరు ఎక్కువ సమయం విశ్రాంతి, నిద్ర, పునరుజ్జీవనం కోసం గడుపుతారు. మీరు మీ భాగస్వామితో సన్నిహిత క్షణాలను పంచుకుంటారు, మీ బంధాన్ని బలోపేతం చేసుకుంటారు. అందువల్ల, మీ బెడ్‌రూమ్‌ను మీ మానసిక ఆరోగ్యం, సంబంధాలకు మద్దతు ఇచ్చే సౌకర్యవంతమైన, హాయి క‌లిగించే ప్రదేశంగా మార్చడం చాలా అవసరం. మీరు పడుకునేటప్పుడు మీ తల దక్షిణం లేదా తూర్పు వైపు ఉండే విధంగా మంచాన్ని ఏర్పాటు చేసుకోవాలి.
6. మంచాన్ని బీమ్, కిటికీ లేదా సీలింగ్ ఫ్యాన్ కింద ఉంచకూడదు, ఎందుకంటే ఇవి ఒత్తిడి, ఆందోళన లేదా ఆరోగ్య సమస్యలను కలిగిస్తాయి.
7. వస్తువులను దాచుకునే లేదా బాక్స్ స్ప్రింగ్‌లతో ఉన్న మంచాన్ని ఉపయోగించడానికి వీలైనంత దూరంగా ఉండాలి. ఎందుకంటే అవి ప్రతికూల శక్తిని ఆక‌ర్షిస్తాయి.
8. బెడ్‌రూమ్‌లో రిలాక్సింగ్ మూడ్‌ని సృష్టించే నీలం, ఆకుపచ్చ, గులాబీ లేదా లేత గులాబీ వంటి రంగులు ఉండాలి. ఎరుపు, నారింజ లేదా పసుపు వంటి ప్రకాశవంతమైన రంగులను ఉపయోగించడం మానుకోండి ఎందుకంటే అవి మీ నాడీ వ్యవస్థను ఉత్తేజపరుస్తాయి. ఫ‌లితంగా మీ నిద్రకు భంగం కలిగిస్తాయి.
9. పడకగదిలో కనీస ఫర్నిచర్, ఉపకరణాలు ఉండాలి. ఎలక్ట్రానిక్ పరికరాలు లేకుండా చూసుకోవాలి. ఇది ప్రశాంతమైన నిద్రను ప్రోత్సహించే విశాలమైన, నిర్మలమైన వాతావరణాన్ని సృష్టించడంలో మీకు సహాయపడుతుంది.
10. చిందరవందరగా ఉన్న స్థలం ప్రతికూల శక్తికి దారి తీస్తుంది. అంతేకాకుండా మీ మానసిక ఆరోగ్యాన్ని ప్రభావితం చేస్తుంది. అనవసరమైన వస్తువులను వదిలించుకోవడం, మీ స్థలాన్ని చక్కదిద్దడం ద్వారా మీ ఇల్లు లేదా పని వాతావరణాన్ని శుభ్రం చేయండి. ఇది మానసిక శ్రేయస్సును ప్రోత్సహించే సానుకూల, శాంతియుత వాతావరణాన్ని సృష్టించడానికి సహాయపడుతుంది.
11. రంగులు మన భావోద్వేగాలు, మానసిక స్థితిపై గణనీయమైన ప్రభావాన్ని చూపుతాయి. వాస్తు ప్రకారం, కొన్ని రంగులు మానసిక ఆరోగ్యానికి ఎక్కువ మేలు చేస్తాయి. ఉదాహరణకు నీలం, ఆకుపచ్చ రంగులు ప్రశాంతతో పాటు ఓదార్పునిస్తాయి, అయితే ఎరుపు, నారింజ వంటి రంగులు శక్తి స్థాయిలు, ఉత్సాహాన్ని పెంచుతాయి.
Disclaimer: ఇక్కడ అందించిన సమాచారం కేవలం మత విశ్వాసాల మీద ఆధారపడి సేకరించింది మాత్రమే. దీనికి సంబంధించిన శాస్త్రీయ ఆధారాలకు సంబంధించి ‘ఏబీపీ దేశం’ ఎలాంటి భాధ్యత తీసుకోదు. ఈ సమాచారాన్ని పరిగణనలోకి తీసుకునే ముందు పండితులను సంప్రదించి పూర్తి వివరాలు తెలుసుకోగలరు. ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను ధృవీకరించడం లేదని గమనించగలరు.