Lalita Jayanti 2025: ఫిబ్రవరి 12 శ్రీ లలితా జయంతి
ఆదిశక్తి రూపాలైన త్రిపురాత్రయంలో రెండో స్వరూపం శ్రీలలితా త్రిపురసుందరి. ఆమె శ్రీ చక్రానికి అధిష్ఠాన దేవత, పంచదశాక్షరీమంత్రాధిదేవత, భండాసురుణ్ణి వధించేందుకు మాఘ పౌర్ణమిరోజు శ్రీ లలితాదేవి ఆవిర్భవించినట్టు పురాణాలు చెబుతున్నాయి.
‘మఘము’ అంటే యజ్ఞం..
యజ్ఞ, యాగాలూ, పవిత్రమైనదైవకార్యాలూ చేసేందుకు అత్యున్నతమైనది మాఘమాసం
ఈ నెలరోజులూ ప్రత్యేకమే అయినా మాఘ పౌర్ణమి మరింత ప్రత్యేకం.. దీనినే మహా మాఘి అంటారు
ఈరోజు చేసే సముద్ర, నదీ స్నానాలు, పూజలు అపారమైన ఫలాన్నిస్తాయని శాస్త్రవచనం. ఈ రోజుకున్న మరో ప్రత్యేకతే లలితా జయంతి.
Also Read: మాఘ పూర్ణిమ ప్రత్యేకత ఏంటి.. ఈ రోజు సముద్ర స్నానం ఎందుకు చేయాలి!
భండాసురుడు అనే రాక్షసుడు శివుడి కోసం తపస్సు ఆచరించాడు. తపస్సుకి మెచ్చిన పరమేశ్వరుడు ప్రత్యక్షమై వరం కోరుకోమన్నాడు. తనతో ఎవరైతే యుద్ధం చేస్తారో ఆ ప్రత్యర్థి బలంలో సగం తనకు రావాలని, శత్రువులు ప్రయోగించే అస్త్రాల వల్ల ఎలాంటి హాని కలగకూడదని భండాసురుడు వరం కోరుకున్నాడు. ఆ వర గర్వంతో ముల్లోకాలను ముప్పతిప్పలు పెట్టాడు భండాసురుడు.
భండాసురుడి బాధలు భరించలేక నారద మహర్షి సూచనల మేరకు ఇంద్రాది దేవతలు శ్రీమాతనుఆరాధించారు. మహాయాగం చేయగా.. హోమగుండం నుంచి ఉద్భవించింది శ్రీ లలితాదేవి. అప్పుడు శ్రీచక్రాన్నిఅధిష్ఠించి, భండాసురుణ్ణి సంహరించింది. అప్పుడు అమ్మవారు రౌద్రరూపాన్ని శాంతింపజేసేందుకు దేవతలు, మునులు ప్రార్థిస్తూ చెప్పిన నామాలే ‘శ్రీ లలితా సహ స్రనామం’.
సర్వశక్తులకూ మూలపుటమ్మగా లలితాదేవిని పూజిస్తారు. అరుణవర్ణంలో ప్రకాశిస్తూ, పాశాన్నీ, అంకుశాన్నీ,పుష్పబాణాన్ని,ధనస్సు ధరించి భక్తులకు అభయం ఇస్తుంది. భయాన్ని పోగొట్టి, శాంతినిప్రసాదించే తల్లిగా లిలతా దేవిని ప్రార్థిస్తారు.
దేవతల ప్రార్థనతో తన రౌద్ర రూపాన్ని ఉపసంహరించుకున్న లలితా దేవిని సహస్రనామంతో పారాయణం చేస్తే ఆమె కరుణ భక్తులపై ప్రసరిస్తుందని భక్తుల విశ్వాసం. కళల్లో ప్రావిణ్యాన్ని, ఐశ్వర్యాన్ని, ఆరోగ్యాన్ని ప్రసాదిస్తుంది లలితా అమ్మవారు.
మాఘ పౌర్ణమి రోజు లలితా సహస్రనామం పఠించినా, విన్నా అత్యంత పుణ్యఫలం. ఈ రోజు లలితా సహస్రనామంతో పాటూ అమ్మవారి ఏ శ్లోకాలు పఠించినా మంచిదే..
Also Read: అఘోరాలు, నాగసాధువులకు మాయమయ్యే శక్తి ఉందా.. ఎక్కడి నుంచి వస్తున్నారు, ఎలా వెళ్లిపోతున్నారు!
శ్రీ లలితా పంచరత్న స్తోత్రం
ప్రాతః స్మరామి లలితా వదనారవిందం బింబాధరం పృధుల మౌక్తిక శోభినాసమ్
ఆకర్ణ దీర్ఘ నయనం మణికుండలాఢ్యం మందస్మితం మృగమదోజ్జ్వల ఫాలదేశమ్||
ప్రాతర్భజామి లలితా భుజకల్పవల్లీం రత్నాంగుళీయ లసదంగుళి పల్లవాఢ్యామ్
మాణిక్యహేమ వలయాంగద శోభమానాం పుండ్రేక్షు చాపకుసుమేషు సృణీర్దధానామ్||
ప్రాతర్నమామి లలితా చరణారవిందం భక్తేష్టదాన నిరతం భవసింధుపోతమ్
పద్మాసనాది సురనాయక పూజనీయం పద్మాంకుశ ధ్వజ సుదర్శన లాంఛనాఢ్యమ్||
ప్రాతః స్తువే పరశివాంలలితాం భవానీం త్రయ్యంతవేద్య విభవాం కరుణానవద్యామ్
విశ్వస్య సృష్టి విలయస్థితి హేతుభూతాం విశ్వేశ్వరీం నిగమ వాఙ్మనసాతిదూరామ్||
ప్రాతర్వదామి లలితే తవ పుణ్యనామ కామేశ్వరీతి కమలేతి మహేశ్వరీతి
శ్రీశాంభవీతి జగతాం జననీ పరేతి వాగ్దేవతేతి వచసా త్రిపురేశ్వరీతి||
యః శ్లోక పంచక మిదం లలితాంబికాయాః సౌభాగ్యదం సులలితం పఠతిప్రభాతే
తస్మైదదాతి లలితా ఝడితిప్రసన్నా విద్యాంశ్రియం విమలసౌఖ్య మనన్తకీర్తిమ్ ||
ఇతి శ్రీమత్ శంకరభగవతః కృతౌ లలితా పంచకం సంపూర్ణమ్
Also Read: ఒకటి 'మహా శ్మశానం' , మరొకటి 'మనో శ్మశానం' - ఈ క్షేత్రాల్లో అడుగుపెట్టాలంటే శివానుగ్రహం ఉండాల్సిందే!