శ్రీ శుభకృత్ నామసంవత్సరం(2022-2023)లో ధనస్సు రాశి ఫలితాలు
ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం
ఆదాయం : 2, వ్యయం : 8, రాజ్యపూజ్యం : 5, అవమానం : 1
శ్రీ శుభకృత్ నామ సంవత్సరంలో ధనస్సు రాశివారికి గురుడు చతుర్థంలో, శని ధనస్థానంలో , రాహుకేతువులు 5,11 స్థానాల్లో ఉన్నందున గతేడాది కన్నా పరిస్థితులు అనకూలంగా ఉంటాయి. ఏపని చేసినా సక్సెస్ అవుతారు. ఇంటా-బయటా గౌరవం పొందుతారు. ఇంకా ఈ రాశి వారికి ఈ ఏడాది ఎలా ఉందంటే...
- గతేడాది నుంచి పెండింగ్ లో పడిన పనులు ఈ ఏడాది సక్సెస్ ఫుల్ గా పూర్తిచేసేస్తారు
- ఆదాయం తక్కువ...ఖర్చు ఎక్కువ ఉన్నప్పటికీ ఆర్థిక ఇబ్బందులు మాత్రం అస్సలు ఉండవు..
- కొత్త ప్రణాళికలు రచించి వాటిని అమలు చేసి సక్సెస్ అవుతారు
- తమ చాతుర్యంతో పేరు ప్రఖ్యాతులు సంపాదించుకుంటారు
- ఇంట్లో శుభాకార్యాలు నిర్వహించే సూచనలున్నాయి
- కొత్తగా వ్యాపారం ప్రారంభించాలి అనుకునేవారికి, కాంట్రాక్టులు చేసేవారికి అంతా అనుకూల సమయం, ఉమ్మడి వ్యాపారాలు అనుకూలించవు
- కుటుంబ సభ్యుల ప్రోత్సాహంతో వాహనం, విలువైన వస్తువులు కొనుగోలు చేస్తారు
- స్థిరాస్తుల్లో చిన్నపాటి మార్పులు చేయడం వల్ల అధికంగా లాభపడతారు
- కోర్టు వ్యవహారాలు అనుకూలంగా ఉంటాయి
- దైవబలంతో ఆపదలు తొలగిపోతాయి
- ఉద్యోగుల తమ ప్రతిభకు తగిన గుర్తింపు పొందుతారు
- కేతువు లాభ స్థానంలో ఉండటం వల్ల స్థిరాస్తులు వృద్ధి చెందుతాయి
- గురు, శని వల్ల చిన్న చిన్న విఘ్నాలు ఎదురైనప్పటికీ నిర్ణయాలు తీసుకోవడంలో వెనకడుగు వేయవద్దు
- విద్యార్థులు సమయాన్ని సద్వినియోగం చేసుకుంటేనే మంచి ఫలితాలు సాధిస్తారు
- అవివాహితులకు పెళ్లిజరిగే సూచనలున్నాయి
- న్యాయ, వైద్య రంగాల్లో ఉన్నవారికి ఆదాయాభివృద్ధి ఉంటుంది
- ఏదైనా వ్యవహారంపై ముందు అడుగు వేసేందుకు భయపడతారు
- మీ ఓర్పు, మీ మౌనమే మీకు శ్రీరామరక్ష..మీరు అనుసరించే న్యాయం మీకు సహకరిస్తుంది
- అనారోగ్య సమస్యల గురించి ఎక్కువ ఆలోచించడం తగ్గించి...ఆరోగ్యంపై శ్రద్ధ వహించండి, ఒత్తిడిని తగ్గించుకోండి
- రక్తసంబంధీకులతో వివాదాలుంటాయి
- సోదరుల మధ్య ఆస్తి వ్యవహారాలు ప్రస్తావనకు వస్తాయి, ఒత్తిళ్లు, ప్రలోభాలకు లొంగవద్దు
- స్త్రీ మూలకంగా ధనలాభం ఉంటుంది
ఒక్కమాటలో చెప్పాలంటే చిన్న చిన్న సమస్యలు మినహా ఈ ఏడాది ధనస్సు రాశివారికి అన్నివిధాలుగా శుభసమయమే....
నోట్: పండితుల సూచనలు, కొన్ని పుస్తకాల ఆధారంగా రాసిన విషయాలివి...వీటిని ఎంతవరకూ విశ్వసించాలి అనేది పూర్తిగా మీ వ్యక్తిగతం
Also Read: 2022-2023లో ఈ రాశివారి సక్సెస్ చూసి కొందరు సహించలేరు, ఆ రేంజ్ లో దూసుకెళతారు
Also Read: శ్రీ శుభకృత్ నామ సంవత్సరంలో ఈ నాలుగు రాశుల వారికి ఆర్థికంగా కలిసొస్తుంది, మీరున్నారా అందులో
ఏబీపీ దేశం వ్యూయర్స్ అందరకీ శ్రీ శుభకృత్ నామ సంవత్సరం శుభాకాంక్షలు.