శ్రీ శుభకృత్ నామసంవత్సరం(2022-2023)లో కన్యరాశి ఫలితాలు
కన్య: ఉత్తర 2, 3, 4 పాదాలు, హస్త, చిత్త 1, 2 పాదాలు
ఆదాయం : 11 వ్యయం : 5 రాజ్యపూజ్యం : 4 అవమానం : 5
శ్రీ శుభకృత్ నామ సంవత్సరంలో కన్యరాశి వారికి గురుడు సప్తమంలో, శని ఐదవ స్థానంలో, రాహువు అష్టమంలో ఉండటం వల్ల గడిచిన ఏడాది కన్నా ఈ ఏడాది శుభఫలితాలున్నాయి.ఇంట్లో శుభకార్యాలు జరుగుతాయి, సంఘంలో గౌరవం-పలుకుబడి పెరుగుతాయి. ఇంకా ఈ రాశివారికి ఈ ఏడాది ఎలా ఉందంటే...
- ఈ ఏడాది ఆర్థిక పరిస్థితి బావుంటుంది. చర,స్థిరాస్తిని అభివృద్ధి చేస్తారు, నూతన గృహనిర్మాణాలు కలిసొస్తాయి
- సప్తమంలో గురుబలం విశేషమైన శుభాన్నిస్తుంది..గృహ నిర్మాణ కార్యక్రమాలు విజయవంతమవుతాయి. ఏ పని తలపెట్టినా సక్సెస్ అవుతారు
- ఉద్యోగంలో విశేష ప్రతిభను కనబరుస్తారు. ఉన్నతాధికారుల అనుగ్రహం మీపై ఉంటుంది
- శని, రాహు, కేతువుల ప్రభావం వల్ల అప్పుడప్పుడూ ఆటంకాలెదురవుతాయి. అయినప్పటికీ ధైర్యం కోల్పోవద్దు,మరీ ముక్కుసూటిగా వ్యవహరించవద్దు
- వ్యాపారంలో బ్రహ్మాండమైన లాభాలుంటాయి. విద్యార్థులకు అద్భుతంగా ఉంటుంది. పోటీపరీక్షలు రాసిన వారు విజయం సాధిస్తారు
- మీరు తలపెట్టిన ప్రతిపనిలోనూ కుటుంబసభ్యుల ప్రోత్సాహం లభిస్తుంది. అలసత్వం లేకుండా లక్ష్యాలను పూర్తి చేయండి.
- ఏ రంగంలో ఉన్నవారికి అయినా ఈ ఏడాది కలిసొస్తుంది
- నూతన వస్తువులు కొనుగోలు చేస్తారు, ఇంట్లో ఆనందం వెల్లివిరుస్తుంది
- మీకున్న వాక్చాతుర్యంతో ఎంతటివారినైనా కట్టిపడేస్తారు,శత్రువులే మిత్రులుగా మారి సహాయం చేసే సందర్భాలుంటాయి
- అష్టమంలో రాహువు ఉండటం వల్ల ప్రతి విషయంలో చంచలత్వం ఉంటుంది, మీకున్న సహజమైన తెలివితేటలతో పనులు పూర్తిచేసుకోగలుగుతారు
- ధనం మీదైనా, ఇతరులదైనా కానీ మీ చేతినిండా డబ్బు పుష్కలంగా ఉంటుంది
- మీ సక్సెస్ ని చూసి కొందరు ఓర్వలేరు
- పుణ్యక్షేత్రాలు సందర్శిస్తారు, పుణ్యకార్యాలు చేస్తారు
- స్వల్పంగా శరీర రుగ్మతలు కలిగినా వాటినుంచి వెంటనే ఉపశమనం లభిస్తుంది
- సంవత్సరం మధ్యలో కొన్ని ఒడిదొడుకులు ఎదురైనా అంతగా బాధించవు
ఒక్కమాటలో చెప్పాలంటే మీ శక్తి సామర్థ్యాలకు, ధైర్యానికి దైవబలం తోడవుతుందన్నమాట
నోట్: పండితుల సూచనలు, కొన్ని పుస్తకాల ఆధారంగా రాసిన విషయాలివి...వీటిని ఎంతవరకూ విశ్వసించాలి అనేది పూర్తిగా మీ వ్యక్తిగతం
Also Read: ఈ ఉగాది నుంచి ఈ రాశివారికి మహర్థశ పడుతుంది, ఆ ఒక్క విషయంలో తప్ప
Also Read: శ్రీ శుభకృత్ నామ సంవత్సరంలో ఈ నాలుగు రాశుల వారికి ఆర్థికంగా కలిసొస్తుంది, మీరున్నారా అందులో
ఏబీపీ దేశం వ్యూయర్స్ అందరకీ శ్రీ శుభకృత్ నామ సంవత్సరం శుభాకాంక్షలు.