Aquarius Horoscope 8th June 2022: జూన్ 8 కుంభ రాశి ఫలితం ఇక్కడ తెలుసుకోండి

Horoscope Today 8th June 2022: జూన్ 8 బుధవారం, ఈ వారం, ఈనెలలో కుంభ రాశివారికి ఫలితాలు ఎలా ఉన్నాయంటే...

కుంభ రాశి అధిపతి- శని
కుంభ రాశివారి పేర్లలో మొదటి అక్షరాలు- గు, గే, గో, స, సి, సు, సే, సో, డా
కుంభ రాశివారికి మంచి రోజులు-  బుధవారం,శుక్రవారం, శనివారం

జూన్ 8 కుంభ రాశి ఫలితం ( Aquarius Horoscope 8th June 2022)
కుంభ రాశివారు ఈ రోజు వివాదాలకు దూరంగా ఉండండి. స్నేహితులను కలుస్తారు. ప్రయాణం మానుకోవడం మంచిది.. ఒకవేళ ప్రయాణం చేయాల్సి వస్తే జాగ్రత్త వహించండి.ప్రయాణ సమయంలో అవసరమైన పత్రాలను మీతో తీసుకెళ్లండి. ఎవ్వరికీ మాటివ్వకండి. ఆ కారణంగా మీరు చిక్కుల్లో చిక్కుకోవచ్చు. అడగకుండా ఎవరికీ సలహా ఇవ్వకండి. ఎవరిపైనా ఆధారపడొద్దు.. సొంతంగా నిర్ణయాలు తీసుకోండి.  పిల్లలతో సంతోషంగా గడుపుతారు. మీ ఆర్థిక పరిస్థితి బాగుంటుంది. టెన్షన్ తగ్గుతుంది. 

కుంభ రాశి వార ఫలం ( Aquarius Weekly Horoscope June 6 to June 12)
కుంభ రాశివారికి  కొత్త వ్యక్తుల పరిచయం సంతోషాన్నిస్తుంది. వ్యతిరేకులను కూడా అనుకూలురుగా మార్చుకుంటారు.  వాహనాలు, ఆభరణాలు కొనుగోలు చేస్తారు. గతంలో కన్నా ఆదాయం పెరుగుతుంది. కొత్త కాంట్రాక్టులు లభిస్తాయి. పుణ్యక్షేత్రాలు సందర్శిస్తారు లేదా సందర్శించేందుకు ప్రణాళికలు వేసుకుంటారు. వ్యాపారస్తులకు నూతన పెట్టుబడులు అనుకూలిస్తాయి.  ఉద్యోగులు సంతోషకరమైన సమాచారం వింటారు.  వారం చివరిలో అనుకోని సంఘటనలు, ఆరోగ్య సమస్యలు.  విద్యార్థులకు శుభసమయం.

కుంభరాశి జూన్ నెల ఫలితం (Aquarius  2022 June Horoscope)
కుంభ రాశి వారికి ఈ నెలలో గ్రహసంచారం బావుంది. వృత్తి వ్యాపారాల్లో అన్నీ అనుకూల ఫలితాలే ఉన్నాయి. ఆరోగ్యం బావుంటుంది. ఆర్థిక పరిస్థితి బాగానే ఉంది. కొన్ని సమస్యలు ఎదురైనా ధైర్యంగా ఎదుర్కొంటారు. తలపెట్టిన పనిని ఎలాగైనా పూర్తిచేయగల సామర్థ్యం ఉంటుంది. ఇతరుల పనులు పూర్తిచేసేందుకు కూడా సహకారం అందిస్తారు. విద్యార్థులు చదువుపై మరింత శ్రద్ధ పెట్టాలి. కొన్ని పనుల్లో గందరగోళం అనిపిస్తుంది..కాస్త ఆలోచిస్తే పని పూర్తయ్యే మార్గం కనిపిస్తుంది.  ఆరోగ్యం విషయంలో పూర్తి స్థాయి శ్రద్ధ అవసరం. ఆహారం తీసుకోవడాన్ని అశ్రద్ధ చేయవద్దు. పోటీ పరీక్షల్లో విద్యార్థులు మంచి ఫలితాలు సాధిస్తారు.