KCR Uddav Thackery Meeting: బీజేపీ ముక్త్‌ భారత్‌ ! మహారాష్ట్ర సీఎం ఉద్ధవ్ ఠాక్రేతో కేసీఆర్ భేటీ

మహారాష్ట్ర సీఎం ఉద్ధవ్ ఠాక్రే( Maharastra CM Uddav Thackery)తో సీఎం కేసీఆర్(CM Kcr) భేటీ ముగిసింది.

ఉద్ధవ్ ఠాక్రే అధికార నివాసమైన ముంబయిలోని 'వర్ష'కు సీఎం కేసీఆర్ ఆదివారం మ‌ధ్యాహ్నం చేరుకున్నారు. అక్కడ ఆయనకు ఘన స్వాగతం లభించింది.

ఈ స‌మావేశంలో సినీ న‌టుడు ప్రకాశ్ రాజ్(Prakash Raj) కూడా పాల్గొన్నారు.

ఉద్ధవ్ ఠాక్రేతో సీఎం కేసీఆర్... భవిష్యత్‌ రాజకీయాలు, ప్రస్తుత రాజకీయాలతో పాటు కేంద్ర ప్రభుత్వ విధానాల‌పై చర్చించారు.

పీపుల్స్ ఫ్రంట్ కు మద్దతు కూడగట్టేందుకు సీఎం కేసీఆర్ ఈ పర్యటన చేస్తున్నారు. ఈ స‌మావేశం అనంత‌రం ఎన్సీపీ అధినేత శరద్‌ పవార్‌ ను ముఖ్యమంత్రి కేసీఆర్ క‌ల‌వ‌నున్నారు.

దిల్లీ కోట బద్దలు కొడతామని స్పష్టం చేసిన సీఎం ఆ దిశగా చకచకగా పావులు కదుపుతున్నారు. బీజేపీ ముక్త్‌ భారత్‌ అనే నినాదంతో బీజేపీయేతర పార్టీలను ఏకం చేసే పనిలో ఉన్నారు.

మహారాష్ట్ర సీఎం ఉద్ధవ్ ఠాక్రేతో భేటీలో జాతీయ రాజకీయాలు, రాష్ట్రాల హక్కుల్లో కేంద్ర ప్రభుత్వ జోక్యంపై చర్చించారు. సీఎం కేసీఆర్‌తో కలిసి నడుస్తామని ఇప్పటికే పలువురు నేతలు ముందుకు వచ్చారు.