In Pics: కొత్తకోట దయాకర్ రెడ్డి అంత్యక్రియల్లో పాల్గొని పాడె మోసిన చంద్రబాబు

తెలంగాణకు చెందిన టీడీపీ సీనియర్ నేత కొత్తకోట దయాకర్‌రెడ్డి తుదిశ్వాస విడిచారు.

కొంతకాలం నుంచి వయసురీత్యా అనారోగ్య సమస్యలతో బాధపడుతున్న దయాకర్ రెడ్డి హైదరాబాద్‌లోని ఓ ప్రైవేటు ఆసుపత్రిలో చికిత్స తీసుకుంటున్నారు.

పరిస్థితి విషమించడంతో మంగళవారం తెల్లవారుజామున కన్నుమూశారు. దయాకర్ మరణం పట్ల పలు పార్టీలకు చెందిన కీలక నేతలు సంతాపం తెలిపారు.

మహబూబ్‌నగర్‌ జిల్లా చిన్నచింతకుంట మండలం పర్కాపురంలో దయాకర్ రెడ్డి అంత్యక్రియలు నిర్వహించారు.

టీడీపీ మాజీ ఎమ్మెల్యే కొత్తకోట దయాకర్ రెడ్డి భౌతిక కాయానికి టీడీపీ అధినేత చంద్రబాబు నాయుడు నివాళులర్పించారు.

దయాకర్ రెడ్డి స్వగ్రామానికి వెళ్లిన చంద్రబాబు మాజీ ఎమ్మెల్యే కుటుంబసభ్యులను ఓదార్చారు. దయాకర్ రెడ్డి అంత్యక్రియల్లో పాల్గొని పాడె మోశారు చంద్రబాబు.