In Pics: రంజాన్ వేడుకల్లో రేవంత్ రెడ్డి, షబ్బీర్ అలీ ఇంట్లో విందులో సీఎం

తెలంగాణ ముఖ్యమంత్రి రేవంత్ రెడ్డి రంజాన్ వేడుకలను కాంగ్రెస్ నేత షబ్బీర్ అలీ ఇంట్లో జరుపుకున్నారు.

గురువారం (ఏప్రిల్ 11) రంజాన్‌ సందర్భంగా హైదరాబాద్‌లో కాంగ్రెస్ నేత షబ్బీర్ అలీ నివాసానికి రేవంత్ రెడ్డి వెళ్లారు.

కాంగ్రెస్ సీనియర్ నేత అయిన షబ్బీర్ అలీ ప్రస్తుతం ప్రభుత్వ సలహాదారు హోదాలో ఉన్నారు.

రేవంత్ రెడ్డితో పాటు డిప్యూటీ సీఎం భట్టి విక్రమార్క, మంత్రులు పొంగులేటి శ్రీనివాస్ రెడ్డి, పొన్నం ప్రభాకర్, లోక్ సభ కాంగ్రెస్ అభ్యర్థి దానం నాగేందర్, ఇతర కాంగ్రెస్ నేతలు కూడా రంజాన్ వేడుకల్లో పాల్గొన్నారు.

ఈ సందర్భంగా రేవంత్ కు షబ్బీర్ అలీ, ఆయన కుటుంబ సభ్యులు స్వాగతం పలికారు.

అందరితో కలిసి ముఖ్యమంత్రి రేవంత్ రెడ్డి షబ్బీర్ అలీ ఇంట్లోనే అల్పాహారం స్వీకరించారు.

షబ్బీర్ అలీకి, అక్కడున్న ఇతర ముస్లిం పెద్దలకు రేవంత్ రెడ్డి రంజాన్ పండుగ శుభాకాంక్షలు తెలిపారు.

ఈద్‌-ఉల్‌-ఫితర్‌ వేడుకలను ముస్లింలు అందరూ సంతోషంగా జరుపుకోవాలని రేవంత్ రెడ్డి ఆకాంక్షించారు.

తెలంగాణ స్పీకర్ గడ్డం ప్రసాద్, కాంగ్రెస్ నేత మధుయాష్కి కూడా రంజాన్ వేడుకలకు హాజరయ్యారు.