In Pics: మేకపాటి భౌతిక కాయం నెల్లూరుకు, బేగంపేట నుంచి ప్రత్యేక హెలికాప్టర్‌లో ఇలా

ఏపీ మంత్రి మేకపాటి గౌతమ్ రెడ్డి భౌతిక కాయాన్ని మంగళవారం (ఫిబ్రవరి 22) ఉదయం హైదరాబాద్ నుంచి నెల్లూరుకు తరలించారు.

బేగంపేట విమానాశ్రయం నుంచి ప్రత్యేక ఎయిర్ అంబులెన్స్‌లో ఆయన భౌతిక కాయం రేణిగుంటకు చేరుకుంది.

రేణిగుంట నుంచి రోడ్డు మార్గంలో మరో అంబులెన్స్‌లో నెల్లూరు భౌతిక కాయాన్ని తరలించనున్నారు.

మంగళవారం 11.15 గంటలకు పొట్టిశ్రీరాములు నెల్లూరు జిల్లా పోలీస్ గ్రౌండ్ కి భౌతిక కాయం చేర్చనున్నారు.

ఎయిర్ అంబులెన్స్‌లో మేకపాటి భౌతిక కాయంతో పాటు ఆయన భార్య శ్రీకీర్తి, తల్లి మణి మంజరి ఉన్నారు.

అనంతరం నెల్లూరు జిల్లా క్యాంపు కార్యాలయానికి మంత్రి మేకపాటి భౌతిక కాయాన్ని తరలిస్తారు. ఇక్కడ అభిమానులు, కార్యకర్తల సందర్శనార్థం ఉంచుతారు.

బుధవారం ప్రభుత్వ లాంఛనాలతో అంతిమ సంస్కారాలు జరిపించనున్నారు.