Bonalu Festival: అమ్మవారికి ప్రతిరూపం - జోగినీలదే ఈ బోనాల ఉత్సవం

తెలంగాణలో బోనాల వేడుకలకు ప్రత్యేక స్థానం ఉంది. ప్రతి సంవత్సరం ఆషాఢ మాసంలో, హైదరాబాద్, సికింద్రాబాద్ చుట్టుప్రక్కల ప్రాంతాలలో నెలరోజులపాటు ఘనంగా నిర్వహిస్తుంటారు.

ఈ పండగ తెలంగాణ సంస్కృతి, సంప్రదాయాలకు ప్రతీకగా నిలుస్తుంది. ఈ ఉత్సవాలు మొదటగా 1813లో హైదరబాద్‌లో ప్లేగు, కలరా వ్యాధుల నుంచి ప్రజలను కాపాడడానికి ఆరాధనగా మొదలైందని చెబుతారు.

మహంకాళి అమ్మవారిని పూజించడం ద్వారా ప్లేగు మహమ్మారి నుంచి విముక్తి కలిగిందని ప్రజల నమ్మకం.

తెలంగాణ వ్యాప్తంగా ఘనంగా నిర్వహించే బోనాల వేడుకల్లో జోగినీలు ప్రధాన పాత్ర పోషిస్తారు.

జోగినీలు అనగా దేవతలకు తమ జీవితాన్ని అంకితం చేసిన స్త్రీలు. శివ శక్తులుగా పరిగణించే వీరు నిత్యం అమ్మవారిని ఆరాధిస్తారు.

బోనాల జాతర సందర్భంగా గ్రామ దేవతలైన పోచమ్మ, ఎల్లమ్మ, మైసమ్మ, బాలమ్మ, ముత్యాలమ్మ, మహంకాళమ్మ, పెద్దమ్మకు పసుపు కుంకుమలు, చీరసారెలు, భోజన నైవేద్యాలతో ప్రత్యేక పూజలు చేస్తారు.

ఆచారాలను పాటిస్తూ, ప్రామాణిక పద్దతుల్లో పూజలు చేస్తారు. బోనాల ఉత్సవాలలో భాగంగా వీరు సామాజిక స్పూర్తి పాటలు, ప్రత్యేక నృత్యాలు కూడా ప్రదర్శిస్తారు.

వారు చేసే పూజలు భక్తిని, సాంస్కృతికతను, సామాజిక సమానత్వాన్ని తెలియజేస్తాయి. బోనాల సమయంలో జోగినీలు సామాజిక సేవా కార్యక్రమాల్లో కూడా పాల్గొంటారు.

బోనాల పండుగలో వీరు పాటించే ఆచారాలు, సాంస్కృతికత ఆధునిక సమాజంలో మార్పును తీసుకు వస్తుందని ప్రజలు భావిస్తారు.

ఆషాఢంలో హైదరాబాద్ వ్యాప్తంగా ఈ ఉత్సవాలు జరుగుతాయి. వారానికో ప్రాంతంలో ఒక్కో పేరుతో బోనాలు జరుగుతుంటాయి.