Anand Mahindra Meets Revanth: సీఎం రేవంత్ రెడ్డిని కలిసిన ఆనంద్ మహీంద్రా, తెలంగాణలో పెట్టుబడులపై చర్చ

మహీంద్రా గ్రూప్, టెక్ మహీంద్రా లిమిటెడ్ చైర్మన్ ఆనంద్ మహీంద్రా హైదరాబాద్ లో పర్యటిస్తున్నారు. ఈ క్రమంలో ముఖ్యమంత్రి రేవంత్ రెడ్డితో మహీంద్రా భేటీ అయ్యారు.

జూబ్లీహిల్స్ నివాసంలో రేవంత్ రెడ్డితో ఆనంద్ మహీంద్రా శుక్రవారం రాత్రి మర్యాదపూర్వకంగా భేటీ అయ్యారు. ఈ సందర్భంగా తెలంగాణలో మహీంద్రా గ్రూప్ పెట్టుబడులు, ఇతర అంశాలపై సీఎం రేవంత్ రెడ్డితో చర్చించినట్లు తెలుస్తోంది.

యంగ్ ఇండియా స్కిల్ యూనివర్సిటీ (Young India Skill University)లో ఆటోమోటివ్ విభాగాన్ని అడాప్ట్ చేసుకునేందుకు ఆనంద్ మహీంద్రా అంగీకరించారు.

రంగారెడ్డి జిల్లా కందుకూరు మండలం మీర్ ఖాన్ పేట్ లో ఉన్న ఈ స్కిల్ యూనివర్సిటీని పరిశీలించేందుకు తమ టీమ్ ను పంపుతామని ఆనంద్ మహీంద్రా తెలిపారు.

హైదరాబాద్ లో క్లబ్ మహీంద్రా హాలీడే రిసార్ట్ విస్తరించాలని ఆనంద్ మహీంద్రా నిర్ణయించుకున్నారు. ఆనంద్ మహీంద్రా శుక్రవారం జరిగిన పలు కార్యక్రమాల్లో పాల్గొన్నారు.

ముఖ్యమంత్రి రేవంత్ రెడ్డిని జూబ్లీహిల్స్ నివాసంలో మర్యాద పూర్వకంగా కలిసిన U.S కాన్సుల్ జనరల్ జెన్నిఫర్ లార్సన్.