David Warner : విలియమ్సన్‌ తమ్ముడూ! నీతో కలిసి బ్రేక్‌ఫాస్ట్‌ టైమ్‌, క్రికెట్‌ ఆడటం మిస్సవుతాను!
డేవిడ్‌ వార్నర్‌ (David Warner), కేన్‌ విలియమ్సన్‌ (Kane Williamson) సన్‌రైజర్స్‌ హైదరాబాద్‌కు ఒకప్పుడు కీలక ఆటగాళ్లు. గత సీజన్లో ఫ్రాంచైజీ యాజమాన్యంతో ఇబ్బందులు రావడంతో డేవిడ్‌ వార్నర్‌ జట్టులో చోటు కోల్పోయాడు.
Download ABP Live App and Watch All Latest Videos
View In Appడేవిడ్‌ వార్నర్‌ను సన్‌రైజర్స్‌ (Sunrisers Hyderabad) రీటెయిన్‌ చేసుకోలేదు. అతడూ జట్టులో కొనసాగేందుకు ఇష్టపడలేదు. ఐపీఎల్ తాజా వేలంలో అతడిని దిల్లీ క్యాపిటల్స్‌ సొంతం చేసుకుంది.
ఇక మీదట మరో ఫ్రాంచైజీకి ఆడుతుండటంతో వార్నర్‌ భావోద్వేగానికి గురయ్యాడు. కేన్‌ విలియమ్సన్‌తో తన అనుబంధం గుర్తు చేసుకున్నాడు. వీరిద్దరూ పక్కపక్క దేశాల్లోనే ఉండే సంగతి తెలిసిందే.
'ఇకపై విలియమ్సన్‌తో బ్రేక్‌ఫాస్ట్‌ సమయం మిస్సవుతాను. నీతో కలిసి క్రికెట్‌ ఆడే అవకాశమూ మిస్సైంది బ్రదర్‌!!' అంటూ వార్నర్‌ ఇన్‌స్టాగ్రామ్‌లో పోస్టు చేశాడు. వారిద్దరూ కలిసున్న చిత్రాలను అభిమానులతో షేర్‌ చేసుకున్నాడు.
వార్నర్‌ జట్టును విడిచిపోవడం హైదరాబాద్ అభిమానులనూ బాధిస్తోంది. 'హైదరాబాద్ నగరమే నిన్ను మిస్సవుతుంది' అని ఒకరు కామెంట్‌ చేశారు. 'మేం అసలే ఏడుస్తున్నాం. ఇలాంటి పోస్టులు పెట్టిం ఇంకా ఏడిపించకు వార్నర్‌ బాబాయ్‌' అని మరొకరు అన్నారు. (Photo credit: Warner Instagram)