Australian Open 2023: ఆస్ట్రేలియా ఓపెన్‌ మిక్స్‌డ్‌ డబుల్స్‌ ఫైనల్‌కు సానియా - బోపన్న జోడీ

టెన్నిస్‌ క్రీడాకారిణి సానియా మీర్జా కెరీర్‌కు ఘనంగా ముగింపు పలకనుంది. చివరి గ్రాండ్‌స్లామ్‌ టోర్నీలో దాదాపుగా ట్రోఫీకి చేరువైంది.

సహచర క్రీడాకారుడు రోహన్‌ బోపన్నతో కలిసి సానియా మీర్జా ఆస్ట్రేలియా ఓపెన్‌ మిక్స్‌డ్‌ డబుల్స్‌ ఫైనల్‌కు దూసుకెళ్లింది.

హోరాహోరీగా సాగిన సెమీ ఫైనల్లో నీల్‌ స్కపుస్కి (బ్రిటన్‌), డెసైరీ క్రావ్‌స్కీ (అమెరికా)పై భారత జోడీ 7-6, 6-7 (10-6) తేడాతో విజయం సాధించింది.

క్వార్టర్‌ ఫైనల్లో సానియా, రోహన్ జోడీకి వాకోవర్‌ లభించింది. సెమీస్‌లో వీరు ఏరియెల్‌ బెహర్‌, మకాటో నినోమియా జోడీని 6-4, 7-6 (11-9) తేడాతో చిత్తు చేశారు.

ఓ గడెస్కీ, పాల్మన్స్‌ - ఎల్‌ స్టెఫానీ, ఆర్‌ మాటోస్‌ మధ్య జరిగే సెమీస్‌ విజేతలతో రోహన్‌, సానియా జోడీ ఫైనల్లో అమీతుమీ తేల్చుకోనుంది.