Karnataka New Chief Minister: సిద్ధరామయ్య స్వగ్రామంలో పండుగ వాతావరణం, నృత్యాలు, పాలాభిషేకాలతో సంబురాలు!

ముఖ్యమంత్రిగా సిద్ధరామయ్య ఖరారు, అధికారిక ప్రకటనే మిగిలి ఉంది.

సిద్ధరామయ్య పేరు ఖరారు చేసినట్లు న్యూస్ ఛానెళ్లు, పేపర్లు, వెబ్ సైట్లలో వార్తలు రావడంతో.. ఆయన స్వగ్రామం, బెంగళూరులోని ఆయన నివాసం వద్ద సంబురాలు మొదలయ్యాయి.

బెంగళూరులోని సిద్ధరామయ్య అధికారిక నివాసం వెలుపల గుమిగూడిన మద్దతుదారుల్లో ఆనంద వాతావరణం నెలకొంది.

సిద్ధరామయ్య చిత్ర పటానికి అభివాదం చేస్తూ.. నినాదాలు చేశారు. పోస్టర్లకు పాలాభిషేకం చేస్తూ తమ మద్దతు తెలుపుతున్నారు.

సిద్ధరామయ్య సొంత జిల్లా మైసూర్‌. ఆయన స్వగ్రామంలోనూ పెద్ద ఎత్తున సంబురాలు జరుపుతున్నారు.

సిద్ధరామయ్య మద్దతుదారులు, శ్రేయోభిలాషులు రోడ్లపై ఉన్న చిత్రపటాల వద్ద టపాసులు పేల్చడం, నృత్యాలు చేయడం వంటివి చేస్తున్నారు. మిఠాయిలు పంచి పెడుతూ.. ఆనందాన్ని పంచుకుంటున్నారు.

బెంగళూరులోని కంఠీరవ స్టేడియంలో కొత్త ముఖ్యమంత్రి ప్రమాణస్వీకారోత్సవానికి ఏర్పాట్లు ముమ్మరంగా సాగుతున్నాయి. అధికారులు స్థలాన్ని పరిశీలించారు.

2013లో సిద్ధరామయ్య తొలిసారి ముఖ్యమంత్రిగా ప్రమాణం చేసిన ప్రదేశం ఇదే.