26/11 Mumbai Attack Pics: ఆ మారణహోమానికి 13 ఏళ్లు.. ఇప్పటికీ చమ్మగిల్లును కళ్లు
ముంబయి పేలుళ్లు.. భారతావని ఎన్నటికీ మరువలేని ఘటన. ఆ మారణహోమం జరిగి నేటికి 13 ఏళ్లు గడిచిపోయాయి. (File Photo: Getty Images)
Download ABP Live App and Watch All Latest Videos
View In Appముంబయిలోని 12 చోట్ల ఉగ్రవాదులు సృష్టించిన నరమేధంలో 166 మంది ప్రాణాలు కోల్పోయారు. (File Photo: Getty Images)
2008, నవంబర్ 26 రాత్రి 8 గంటల ప్రాంతంలో 10 మంది గుర్తుతెలియని వ్యక్తులు స్పీడ్బోట్లలో ముంబయిలోని కొలాబా తీర ప్రాంతానికి చేరుకొన్నారు. ఆ తర్వాత రెండు బృందాలుగా విడిపోయారు. (File Photo: Getty Images)
రాత్రి 9.30 గంటల ప్రాంతంలో రద్దీగా ఉన్న ఛత్రపతి శివాజీ మహరాజ్ టెర్మినస్ రైల్వే స్టేషన్లోకి ఇద్దరు ముష్కరులు చొరబడ్డారు. ఏకే-47 తుపాకులతో ప్రజలపై తూటాల వర్షం కురిపించారు. పోలీసులు అక్కడకు చేరుకునే లోపే 58 మంది ప్రాణాలు గాల్లో కలిసిపోయాయి. (File Photo: Getty Images)
ఆ తర్వాత వరుసగా కామా హాస్పిటల్, ఒబెరాయ్ ట్రైడెంట్, తాజ్ హోటల్, లియోపోల్డ్ కేఫ్, నారిమన్ లైట్ హౌస్ ఇలా వరుసగా 12 చోట్ల ఏకధాటిగా కాల్పులు, బాంబుల మోత మోగింది. (File Photo: Getty Images)
60 గంటల పాటు సాగిన ఈ మారణహోమంలో 166 మంది ప్రాణాలు కోల్పోయారు. వీరిలో 18 మంది భద్రతా సిబ్బంది కూడా ఉన్నారు. (File Photo: Getty Images)
పేలుళ్లకు పాల్పడిన ముష్కరుల్లో 9 మందిని భద్రతా సిబ్బంది మట్టుబెట్టారు. మిగిలిన ఒక ఉగ్రవాది అజ్మల్ కసబ్ను ప్రాణాలతో పట్టుకున్నారు. (File Photo: Getty Images)
ఈ కేసులో అతడికి శిక్ష పడటంతో ఆ తర్వాత నాలుగేళ్లకు ఉరితీశారు. (File Photo: Getty Images)
ఉగ్రవాదులను అడ్డుకునే క్రమంలో అప్పటి యాంటీ టెర్రరిజం స్క్వాడ్ చీఫ్ హేమంత్ కర్కరే, నేషనల్ సెక్యూరిటీ గార్డ్స్లోని మేజర్ సందీప్ ఉన్నికృష్ణన్, ముంబయి అదనపు పోలీస్ కమిషనర్ అశోక్ కాంతే తదితరులు అమరులయ్యారు. (File Photo: Getty Images)
ఆ దాడిని తలుచుకుంటే ఇప్పటికీ ముంబయి వణుకుతుంది. ఈ దాడితో పాకిస్థాన్ భారత్ మధ్య ఉన్న వైరం మరింత ఎక్కువైంది. (File Photo: Getty Images)