Animal Movie Team : యానిమల్ మూవీ సక్సెస్​ సెలబ్రేషన్స్ చేసుకున్న చిత్రబృందం.. డిఫరెంట్​గా ఫోజులిచ్చిన టీమ్

సందీప్ రెడ్డి వంగా దర్శకత్వంలో రణ్​బీర్​ కపూర్ హీరోగా, రష్మిక మందన్న హీరోయిన్​గా నటించిన చిత్రం యానిమల్. ఈ సినిమా డిసెంబర్ 1, 2023న విడుదలై ప్రపంచ వ్యాప్తంగా అధిక కలెక్షన్స్​తో సక్సెస్ అయింది.

నెగిటివ్ టాక్ అందుకుంటూనే సినిమా ఓ రేంజ్​లో సక్సెస్ అందుకుంది. ఇటీవల కాలంలో ఏ సర్టిఫికెట్​ ఉన్న సినిమా ఈ స్థాయిలో సక్సెస్ అందుకుంది.

అనిల్ కపూర్, బాబీ డియోల్, తృప్తి దిమ్రి, పృద్వీ రాజ్ వంటి వారు కూడా ఈ సినిమాలో ప్రధాన పాత్రలు పోషించారు. ఈ సినిమాలో నటించిన ప్రతి ఒక్కరూ తమ పాత్ర మేరకు బాగా నటించారు.

మాస్, క్లాస్​ ఆడియన్స్​కు నచ్చేలా ఫాదర్ సెంటిమెంట్​తో ఇప్పటివరకు ఎన్నో సినిమాలు వచ్చాయి కానీ.. ఇలాంటి కోణంలో తండ్రి సెంటిమెంట్​ను అద్భుతంగా తీయడం కేవలం సందీప్​ రెడ్డి స్పెషాలటీ అని చెప్పవచ్చు.

ఈ సినిమా సక్సెస్​ను చిత్రబృందం ముంబైలో సెలబ్రేట్ చేసుకుంది. ఈ సినిమాలో నటించిన అందరూ ఈ వేడుకలో పాల్గొన్నారు.

టీమ్ అంతా కలిసి డిఫరెంట్​ ఫోజులిచ్చారు.

నవ్వుకుంటూ.. నోటి మీద వేలు వేసుకుంటూ చిత్రబృందం ఫోటోలకు ఫోజులిచ్చింది.

ఈ సినిమాతో చాలా రోజుల తర్వాత బాబీ డియోల్ సక్సెస్​ను అందుకున్నారు. విలక్షణ నటుడైన ఈయనకు కొన్నెళ్ల నుంచి ఎలాంటి సక్సెస్ లేదు.

ఇప్పటి వరకు రణ్​బీర్​ కూడా యానిమల్ లాంటి పాత్ర చేయలేదు. తనకు పూర్తిగా భిన్నమైన పాత్రను ఎంచుకుని.. మరోసారి తన నటనతో అందరినీ ఆకట్టుకున్నాడు.

తృప్తి దిమ్రీ కూడా ఇంతకుముందు పలు బాలీవుడ్ చిత్రాలు చేసింది కానీ.. ఈ సినిమాతో ఓవర్​నైట్ స్టార్ అయిపోయింది. తెలుగులో కూడా ఈమెకు ఆఫర్లు వస్తున్నాయి.

రష్మిక కూడా బాలీవుడ్​లో ఈ తరహా సక్సెస్​ను ఇదే తొలిసారి. ఆమె పాత్రను కూడా డైరక్టర్ చాలా చక్కగా డిజైన్ చేశారు.