Kamal Haasan: సిద్ధూతో కమల్ హాసన్ - Indian 2 Promotionsలో Supreme Yaskin నవ్వుల్

ఇప్పుడు ఇండియా అంతటా 'కల్కి 2898 ఏడీ' ఫీవర్ నెలకొంది. రెబల్ స్టార్ ప్రభాస్, బిగ్ బి అమితాబ్ బచ్చన్, యూనివర్సల్ స్టార్ కమల్ హాసన్, బాలీవుడ్ స్టార్ హీరోయిన్ దీపికా పదుకోన్ నటించిన ఈ సినిమాకు సూపర్బ్ రెస్పాన్స్ వచ్చింది. ఇందులో సుప్రీమ్ యాస్కిన్ పాత్రలో కమల్ నటించారు. ఆయన స్క్రీన్ మీద కనిపించినది కాసేపే అయినప్పటికీ ఆయన రోల్ పట్ల ఫ్యాన్స్ ఫుల్ హ్యాపీగా ఉన్నారు. మరి, ఈ టైంలో కమల్ ఏం చేస్తున్నారో తెలుసా? 'ఇండియన్ 2' ప్రచార కార్యక్రమాల్లో బిజీ బిజీగా ఉన్నారు.

కమల్ హాసన్ 'Objects in the mirror are closer than they appear' అంటూ ఈ ఫోటోకి క్యాప్షన్ ఇచ్చారు. అద్దంలో ఉన్నవి మనకు కనిపించే దానికంటే చాలా దగ్గరగా ఉంటాయని చెప్పారు. ఇంతకీ, ఆ ఫోటోలోని అద్దంలో ఎవరు ఉన్నారో గుర్తించారా? హీరో సిద్ధార్థ్!

కమల్ హాసన్ కథానాయకుడిగా శంకర్ దర్శకత్వం వహించిన 'ఇండియన్ 2' సినిమాలో సిద్ధార్థ్ ప్రధాన పాత్ర పోషించారు. భారతీయుడికి మనవడిగా ఆయన కనిపించనున్నారు. ఆల్రెడీ విడుదలైన ట్రైలర్లో వాళ్లిద్దరి బాండింగ్ సినిమాకు కీలకమని అర్థం అవుతోంది. 

తమిళనాడులో కొన్ని రోజుల క్రితం 'ఇండియన్ 2' ఆడియో లాంచ్ చేశారు. తమిళ సంగీత సంచలనం అనిరుధ్ ఈ చిత్రానికి మ్యూజిక్ అందించిన సంగతి తెలిసిందే. ఆడియో విడుదల తర్వాత ఇటీవల ముంబై వెళ్ళింది 'ఇండియన్ 2' టీమ్. అప్పుడు ఎయిర్ పోర్టులో దిగిన ఫోటో!

'ఇండియన్ 2' సినిమాలో సిద్దార్థ్ జోడీగా రకుల్ ప్రీత్ సింగ్ నటించారు. ఈ జంట మీద శంకర్ ఓ పాటను సైతం తెరకెక్కించారు. భారతీయుడి మనవడిగా అవినీతి మీద సిద్ధార్థ్ ఎలా పోరాటం చేశాడు? అసలు భారతీయుడు ఏం చేశాడు? అనేది సినిమా. 

'ఇండియన్ 2' ప్రమోషనల్ కార్యక్రమాల్లో పాల్గొనేందుకు విమానంలో వెళుతున్న క్యాస్ట్ అండ్ క్రూ!