Maadhav Bhupathiraju: కాంతార కాంతార... 'మిస్టర్ ఇడియట్' ఫుల్ హ్యాపీ, రవితేజ తమ్ముడి కొడుకు సినిమా రిలీజ్ ఎప్పుడంటే?

మాస్ మహారాజా రవితేజ (Ravi Teja) ఫ్యామిలీ నుంచి ఓ హీరో వస్తున్నాడు. ఆయన తమ్ముడు రఘు కుమారుడు మాధవ్ భూపతిరాజు 'మిస్టర్ ఇడియట్' సినిమాతో హీరోగా పరిచయం అవుతున్నాడు. ఈ సినిమాలో సిమ్రాన్ శర్మ హీరోయిన్. ట్రైలర్, 'కాంతార కాంతార' పాట విడుదల చేశారు. 

'మిస్టర్ ఇడియట్' సినిమాను జేజేఆర్ ఎంటర్టైన్మెంట్స్ పతాకంపై శ్రీమతి యలమంచి రాణి సమర్పణలో జేజేఆర్ రవిచంద్ ప్రొడ్యూస్ చేస్తున్నారు. ఈ చిత్రానికి గౌరీ రోణంకి దర్శకురాలు.

'మిస్టర్ ఇడియట్', 'కాంతార కాంతార' పాటకు వచ్చిన స్పందన పట్ల చిత్ర బృందం సంతోషం వ్యక్తం చేసింది. హైదరాబాద్ హైటెక్ సిటీలోని ధృవ ఫ్యాషన్ టెక్నాలజీ కాలేజీలో విద్యార్థులతో కలిసి సక్సెస్ సెలబ్రేషన్స్ నిర్వహించారు. అలాగే, దర్శకురాలు గౌరీ రోణంకి బర్త్ డే సెలబ్రేట్ చేశారు.

ధృవ కాలేజీలో 'మిస్టర్ ఇడియట్' చిత్రీకరణ చేశారని, ఇవాళ ఇక్కడకు వచ్చి సెలబ్రేట్ చేసుకోవడం సంతోషంగా ఉందని హీరో మాధవ్, దర్శకురాలు గౌరీ రోణంకి తెలిపారు. సినిమాను నవంబరులో విడుదల చేయడానికి సన్నాహాలు చేస్తున్నామని, 'మిస్టర్ ఇడియట్'లో ఐదు పాటలకు అనూప్ రూబెన్స్ ఐదు అద్భుతమైన బాణీలు ఇచ్చారని నిర్మాత రవిచంద్ చెప్పారు. 

ఈ కార్యక్రమంలో 'రంగస్థలం' మహేష్, గాయకుడు రాహుల్ సిప్లిగంజ్, సంగీత దర్శకుడు అనూప్ రూబెన్స్, హీరోయిన్ సిమ్రాన్ శర్మ తదితరులు పాల్గొన్నారు.