Anjali: వయస్సుతో అందం కూడా పెరుగుతుందా అంజలీ - బాలయ్య తోసినప్పుడూ ఇలాగే నవ్వావుగా!

అంజలీ.. ఈ పేరు ఇప్పుడు మారుమోగుతోంది. కారణం.. నందమూరి బాలకృష్ణే. ఇటీవల జరిగిన ‘గ్యాంగ్స్ ఆఫ్ గోదావరి’ మూవీ ఈవెంట్‌లో బాలయ్య ముఖ్య అతిథిగా వచ్చిన సంగతి తెలిసిందే. వేదికపై ఫొటోసెషన్‌లో భాగంగా.. అంజలీని పక్కకు జరగాలని బాలయ్య చెప్పారు. అది ఆమెకు వినపడలేదు. దీంతో ఆయనే ఆమెను పక్కకు నెట్టారు. అప్పుడు కూడా అంజలీ ఇదిగో ఇలాగే నవ్వుతూ కవర్ చేసింది. ఆ తర్వాత బాలయ్యకు హైఫైవ్ కూడా ఇచ్చింది. ఆ ఘటన అంజలీ మరిచిపోయినా.. మీడియా మాత్రం మరిచిపోలేదు.

బాలయ్య ఆమెను నెట్టిన ఘటనపై అంజలీ ఇప్పటికే స్పందించింది. చాలా పాజిటివ్‌గా రిప్లై ఇస్తూ.. వివాదానికి పుల్ స్టాప్ పెట్టే ప్రయత్నం చేసింది.

‘గ్యాంగ్స్ ఆఫ్ గోదావరి’లో అంజలీ.. గ్లామర్ డోస్‌ పెంచేసింది. తన అందంతో ఫిదా చేసింది. అయితే.. మూవీ మాత్రం ప్రేక్షకులను మెప్పించలేదు.

‘గ్యాంగ్స్ ఆఫ్ గోదావరి’కి ముందు అంజలీ నటించిన ‘గీతాంజలి మళ్లీ వచ్చింది’ మూవీ రిలీజ్ అయ్యింది. ఈ మూవీకి మిశ్రమ స్పందన వచ్చింది.

అంజలీ ప్రస్తుతం రామ్ చరణ్ నటిస్తున్న ‘గేమ్ ఛేంజర్’ మూవీలో నటిస్తోంది. ఇందులో ఆమె కీలక పాత్రలో కనిపించనుంది. ఈ మూవీపై అంజలీ చాలా ఆశలు పెట్టుకుంది.