Baak Movie Stills: అందాలు చూడతరమా.. ‘బాక్’ మూవీ ప్రీరిలీజ్ ఈవెంట్‌లో మెరిసిన రాశీ, తమన్నా

తమన్నా, రాశీఖన్నా కీలక పాత్రలో నటిస్తున్న హర్రర్ మూవీ ‘అరణ్మనై 4’. తెలుగులో ఈ మూవీని ‘బాక్’ టైటిల్‌తో రిలీజ్ చేస్తున్నారు. ఈ సందర్భంగా ప్రి-రిలీజ్ ఈవెంట్ నిర్వహించారు. ఇందులో ముద్దుగుమ్మలు తమన్నా, రాశీఖన్నాతోపాటు ప్రముఖ తమిళ దర్శకుడు, నటుడు సుందర్.సి భార్య కుష్బూ కూడా పాల్గొన్నారు. సుందర్ తీవ్ర అస్వస్థతతో హాస్పిటల్‌లో చికిత్స పొందుతున్నారని, ఈ కార్యక్రమానికి హాజరు కాలేకపోతున్నారని కుష్బూ ఈ సందర్భంగా తెలిపారు.

హర్రర్, కామెడీ జోనర్‌లో తెరకెక్కించిన ఈ మూవీలో సుందర్.సి కీలక పాత్రల్లో నటిస్తున్నారు. ‘అరణ్మనై’ ఫ్రాంచైజీలో వచ్చిన మూవీస్ అన్ని బాక్సాఫీస్ వద్ద మంచి కలెక్షన్లు రాబట్టాయి. ఈ నేపథ్యంలో ‘అరణ్మనై 4’ మీద కూడా అంచనాలు భారీగానే ఉన్నాయి.

‘బాక్’ మూవీ మే 3న థియేటర్స్‌లో రిలీజ్ కానుంది. తమిళం, తెలుగులో ఒకేసారి రిలీజ్ కానుంది. ఈ నేపథ్యంలో తెలుగులో ‘బాక్’ ట్రైలర్‌ను యూట్యూబ్‌లో రిలీజ్ చేశారు. దీనికి నెటిజన్స్ నుంచి మంచి స్పందన వ్యక్తమవుతోంది. మరి, మూవీ రిలీజ్ తర్వాత ప్రేక్షకుల స్పందన ఎలా ఉంటుందో చూడాలి.

‘బాక్’ ట్రైలర్ ప్రకారం.. ఇందులో తమన్నా పాత్ర చుట్టూనే కథ నడుస్తోందనిపిస్తోంది. ఇందులో ఆమె సుందర్‌కు చెల్లిగా నటిస్తున్నట్లు తెలుస్తోంది. భరత మరణం తర్వాత ఆమె కూడా ఆత్మహత్మ చేసుకుని చనిపోతుంది. అయితే, తన చెల్లిది ఆత్మహత్య కాదని సుందర్ అనుమానిస్తాడు.

తన చెల్లిది హత్య అని నిరూపించేందుకు సుందర్ ప్రయత్నాలు చేస్తాడు. ఈ సందర్భంగా అతడికి ఎదురైన సవాళ్లు ఏమిటీ? తన చెల్లిని చంపింది ఎవరు? ఈ మిస్టరీ చేధించే క్రమంలో అతడికి ఎదురైన సవాళ్లు ఏమిటనేది కథ. ఈ మూవీలో గ్రాఫిక్స్‌కు పెద్దపీట వేసినట్లు తెలుస్తోంది.

ఈ మూవీని తెలుగులో సురేష్ ప్రొడక్షన్స్ బ్యానర్ కింద సురేష్ బాబు సమర్పిస్తున్నారు. ఈ మూవీని తెలుగు, తమిళ భాషల్లో ఒకేసారి చిత్రీకరించారు.

తమిళ వెర్షన్‌లో యోగి బాబు పోషించిన పాత్రను తెలుగు వెర్షన్‌లో వెన్నెల కిశోర్ నటిస్తున్నాడు. మరోపాత్రలో శ్రీనివాస్ రెడ్డి నటిస్తున్నాడు.