Anant Ambani Radhika Sangeet ceremony: ముంబైలో ఘనంగా అనంత్ అంబానీ, రాధిక మర్చంట్‌ సంగీత్ ఫంక్షన్

భారత వ్యాపార దిగ్గజం, రిలయన్స్ ఇండస్ట్రీస్ చైర్మన్ ముఖేష్ అంబానీ చిన్న కుమారుడు అనంత్ అంబానీ త్వరలో పెళ్లి పీటలు ఎక్కబోతున్నాడు.

ఇదివరకే రెండుసార్లు అనంత్ అంబానీ, రాధికా మర్చంట్‌ల ప్రీ వెడ్డింగ్ వేడుకలు ఘనంగా నిర్వహించారు. ఈ వేడుకలకు రాజకీయ, సినీ, వ్యాపార, క్రీడా రంగాల ప్రముఖులు హాజరయ్యారు.

ముంబైలోని జియో వరల్డ్ సెంటర్‌లో శుక్రవారం రాత్రి అనంత్ అంబానీ, రాధికా మర్చంట్‌ల సంగీత్ ఈవెంట్ ఘనంగా జరిగింది. అంబానీల వేడుకతో ముంబైలో మరోసారి పండుగ వాతావరణం కనిపించింది.

జులై 12న అనంత్ అంబానీ రాధిక మర్చంట్‌ వివాహ బంధంతో ఒక్కటి కానున్నారు. హిందూ సాంప్రదాయం ప్రకారం అనంత్, రాధికల వివాహం జరిపేందుకు ఏర్పాట్లు జరుగుతున్నాయి.

ముంబైలో ఘనంగా నిర్వహించిన అనంత్ అంబానీ, రాధిక మర్చంట్‌ సంగీత్ ఫంక్షన్‌కు ముంబై ఇండియన్స్ ఆటగాళ్లు, బాలీవుడ్ సెలబ్రిటీలు తళుక్కున మెరిశారు. కొత్త జంటకు అభినందనలు తెలిపారు.

భారత్‌లో నెంబర్ వన్ ధనవంతుడు, ప్రపంచంలోనూ అపర కుబేరులలో ఒకరు కావడంతో ముకేష్ అంబానీ, నీతా అంబానీలు తమ చిన్న కుమారుడు అనంత్ అంబానీ వివాహ వేడుకలకు అంగరంగ వైభవంగా నిర్వహిస్తున్నారు.

ఇటీవల నవీ ముంబైలో 50 పేద జంటలకు అంబానీ ఫ్యామిలీ సామూహిక వివాహాలు జరిపించింది. కొత్త జంటలకు నగదు బహుమతితో పాటు కానుక ఇచ్చి పెద్ద మనసుతో ఆశీర్వదించారు.

గుజరాతీ వివాహాలలో నిర్వహించే మామేరు సంప్రదాయ వేడుకను సైతం నిర్వహించారు. కాబోయే కోడలు రాధికా మర్చంట్‌కు అత్తామామలు ముకేష్ అంబానీ, నీతా అంబానీ జంట స్వీట్లు తినిపించి కానుకలు అందజేశారు.

తాజాగా శుక్రవారం రాత్రి సంగీత్ వేడుకను అట్టహాసంగా నిర్వహించగా సినీ, రాజీకీయ, క్రీడా, వ్యాపార, ఇతర రంగాల ప్రముఖులు హాజరై వేడుకను సక్సెస్ చేశారు

కాబోయే జంట ఫొటోలకు ఫోజులిచ్చి ఆకట్టుకుంది. మరోవైపు జులై 12 నుంచి 14 వరకు మూడు రోజులపాటు జరగనున్న పెళ్లి వేడుకలకు చకచకా ఏర్పాట్లు జరిగిపోతున్నాయి.