In Pics: తిరుమల శ్రీవారి సన్నిధిలో నిర్మలా సీతారామన్ - ఫోటోలు

తిరుమల శ్రీవారిని కేంద్ర ఆర్ధిక శాఖా మంత్రి నిర్మలా సీతారామన్ దర్శించుకున్నారు.

ఇవాళ ఉదయం ఆలయ మహా ద్వారం వద్దకు చేరుకున్న నిర్మలా సీతారామన్ కు టిటిడి ఛైర్మన్ వైవీ సుబ్బారెడ్డి, ఈవో ధర్మారెడ్డి, ఏపి ఆర్ధిక శాఖా మంత్రి బుగ్గన రాజేంద్రనాథ్ లు స్వాగతం పలికి దర్శన ఏర్పాట్లు చేశారు.

స్వామి వారి సేవలో పాల్గొని మొక్కులు చెల్లించుకున్నారు.. దర్శనంతరం రంగనాయకుల మండపంలో వేద పండితులు వేద ఆశీర్వాదం అందించారు.

ఆలయ అధికారులు కేంద్ర మంత్రిని పట్టు వస్త్రంతో సత్కరించి స్వామి వారి తీర్ధ ప్రసాదాలు అందజేశారు.

ఆలయం వెలుపలకు వచ్చిన కేంద్ర మంత్రి నిర్మలా సీతారామన్ తో భక్తులు సెల్ఫీలు దిగేందుకు ఎగబడ్డారు.

తమిళనాడు నుండి దర్శనానికి వచ్చిన ఓ తమిళ యువకుడితో నిర్మలా సీతారామన్ ముచ్చటించి స్వామి వారి లడ్డూ ప్రసాదంను అందించారు.

అనంతరం పద్మావతి అతిథి గృహానికి చేరుకుని అల్పాహారం స్వీకరించారు.

తిరుపతిలో జరగనున్న ట్యాక్స్ అడ్వైజరీ కమిటీ సమావేశానికి కేంద్ర మంత్రి హాజరు కానున్నారు.