Pakistan PM Shehbaz Sharif : ఆపరేషన్ సిందూర్ మధ్య రెండు దేశాల మధ్య జరిగిన కాల్పుల ఘటన తర్వాత, భారతదేశంతో శాంతి చర్చలకు తాను సిద్ధంగా ఉన్నానని పాకిస్తాన్ ప్రధానమంత్రి షెహబాజ్ షరీఫ్ గురువారం అన్నారు. ముందుగా, కాశ్మీర్ వివాదం, నీటి పంపిణీతో సహా ద్వైపాక్షిక సమస్యలను పరిష్కరించడానికి సమగ్ర చర్చలకు రావాలని భారత్ను ఆహ్వానించారు.
భారతదేశం, పాకిస్తాన్ మధ్య కాల్పుల విరమణను ఇప్పుడు మే 18 వరకు పొడిగించినట్లు ఇస్లామాబాద్ ఇప్పటికే ప్రకటించింది. అనంతరం పాకిస్తాన్ ప్రధానమంత్రి చేసిన తాజా వ్యాఖ్యలు ఆసక్తిగా మారాయి. పాకిస్తాన్- భారతదేశం డైరెక్టర్ జనరల్స్ ఆఫ్ మిలిటరీ ఆపరేషన్స్ (DGMOs) కాల్పుల విరమణపై చర్చించడానికి హాట్లైన్ ద్వారా మాట్లాడారు. దానిని మే 18 వరకు పొడిగించారని ఉప ప్రధాన మంత్రి (DPM) ఇషాక్ దార్ గురువారం తెలిపారు.
పాకిస్తాన్ పార్లమెంటును ఉద్దేశించి ప్రసంగిస్తూ, పాకిస్తాన్ ఉప ప్రధానమంత్రి ఇషాక్ దార్ బుధవారం (మే 14) DGMO స్థాయిలో జరిగిన హాట్లైన్ సంభాషణలో రెండు దేశాల మధ్య ఈ నిర్ణయం తీసుకున్నట్లు చెప్పారు. ఈ కాల్పుల విరమణను మే 18 వరకు పొడిగించారు.
ట్రంప్ వాదనను తిరస్కరించిన పాకిస్థాన్
అదే సమయంలో, అల్ జజీరాకు ఇచ్చిన ఇంటర్వ్యూలో అమెరికా అధ్యక్షుడు డొనాల్డ్ ట్రంప్ చేసిన వాదనలను కూడా ఇషాక్ దార్ తిరస్కరించారు. "యుద్ధ విరమణ కోసం అమెరికాను సంప్రదించారా?" అని అడిగినప్పుడు, ఈ ప్రశ్నకు సమాధానంగా, కాల్పుల విరమణకు సంబంధించి అమెరికాతో ఎటువంటి చర్చలు జరపలేదని ఇషాక్ దార్ అన్నారు.
పాకిస్తాన్పై అమెరికా కాల్పుల విరమణ ఒత్తిడి తెచ్చిందా లేదా అనే రెండో ప్రశ్నకు, ఇషాక్ దార్ కాల్పుల విరమణపై ఎలాంటి ఒత్తిడి ప్రశ్న లేదని అన్నారు. "ఇది అహంకారంతో కాకుండా వాస్తవికతతో చూడాల్సిన ప్రశ్న. మనం మన పొరుగు దేశంలాగా ప్రవర్తించి ఉంటే, మొత్తం ప్రాంతంలో వినాశకరమైన పరిణామాలు ఉండేవి" అని ఆయన పేర్కొన్నారు.
చాలా దేశాలు సంప్రదింపులు జరుపుతున్నాయి- ఇషాక్ దార్
అమెరికా, సౌదీ అరేబియా, యుఎఇ సహా అనేక దేశాలు పాకిస్తాన్తో చర్చలు జరుపుతున్నాయని ఆయన అన్నారు. ఈ దేశాలన్నీ రెండు వైపుల మధ్య శాంతిని కొనసాగించడానికి ప్రయత్నిస్తున్నాయి. ఈ నిర్ణయం తీసుకోవడానికి మాకు స్వేచ్ఛ ఉంది. పాకిస్తాన్ భారత సైనిక స్థావరాలు, పౌరులపై చేసిన దాడులపై ఆయన అబద్ధాలు చెప్పారు. మేము చాలా ఓపిక చూపించామని చెప్పారు. భారతదేశం తీసుకున్న చర్యకు అదే స్థాయిలో ప్రతిస్పందనను ఇచ్చామన్నారు
నాలుగు రోజుల పాటు జరిగిన తీవ్రమైన సరిహద్దు డ్రోన్, క్షిపణి దాడుల తర్వాత సంఘర్షణను ముగించడానికి భారతదేశం, పాకిస్తాన్ మే 10న ఒక అవగాహనకు వచ్చాయి. ఏప్రిల్ 22న జరిగిన పహల్గామ్ ఉగ్రవాద దాడిలో 26 మంది మరణించగా, దానికి ప్రతిస్పందనగా మే 7న భారత్ 'ఆపరేషన్ సిందూర్' పేరుతో ఉగ్రవాద మౌలిక సదుపాయాలపై దాడులు చేసింది. భారత చర్య తర్వాత, మే 8, 9, 10 తేదీల్లో పాకిస్తాన్ భారత సైనిక స్థావరాలపై దాడి చేయడానికి ప్రయత్నించింది. అదే రోజున భారత దళాలు కూడా పాకిస్తాన్ సైనిక స్థావరాలపై ప్రతిదాడి ప్రారంభించాయి.