Top Headlines Today:
చంద్రబాబుతో ఆనం భేటీ
నేడు తెలుగుదేశం అధినేత చంద్రబాబుతో ఆనం రాంనారాయణరెడ్డి భేటీ కానున్నారు. పార్టీలో చేరే అంశంపై చర్చించే ఛాన్స్ ఉందంటున్నాయి పార్టీ వర్గాలు. మరోవైపు లోకేష్ పాదయాత్ర నెల్లూరుకు వచ్చే సమయంలో గ్రాండ్ వెల్క్‌మ్ చెప్పేందుకు కూడా సిద్ధమవుతున్నారు.
నేడు నడ్డా బహిరంగ సభ
నేడు శ్రీకాళహస్తిలో జేపీ నడ్డా బహిరంగ సభ ఉంది. భేరివారి మండపం వద్ద జరిగే సభలో మోదీ హయాంలో జరిగిన దేశాభివృద్ధిని వివరించబోతున్నారు. శుక్రవారం రాత్రి తిరుపతి చేరుకున్న జేపీ నడ్డా ఈ ఉదయం శ్రీనివాసుడిని దర్శించుకుంటారు. మధ్యాహ్నం చిత్తూరు జిల్లా బీజేపీ నేతలతో సమావేశమవుతారు. సాయంత్రం నాలుగు గంటలకు శ్రీకాళహస్తి చేరుకొని బహిరంగ సభలో పాల్గొంటారు.
నేడు కాంట్రాక్ట్‌ లెక్చర్‌ర్ల గోడు సమావేశం
నేడు కాంట్రాక్ట్‌ లెక్చర్‌ర్ల గోడు సమావేశం నిర్వహిస్తున్నారు. విజయవాడలో ఈ భేటీ జరగనుంది. తమను రెగ్యులరైజ్ చేయాలని డిమాండ్ చేస్తున్న లెక్చర్‌ర్లు.
తెలంగాణలో నేడు సుపరిపాలన దినోత్సవం
తెలంగాణ నేడు సుపరిపాలన దినోత్సవం నిర్వహించనుంది ప్రభుత్వం. తెలంగాణ దశాబ్ధాల వేడుకలో భాగంగా నేడు సుపరిపాలన దినోత్సవం నిహ్విస్తున్నారు. స్వరాష్ట్ర పాలన సాధించిన విజయాలు, జిల్లాల వికేంద్రీకరణ, పాలనా సంస్కరణలు ప్రజలకు తెలియజేసనున్నారు.
నేడు ఫ్రెంచ్ ఓపెన్ మహిళల ఫైనల్‌
నేడు ఫ్రెంచ్ ఓపెన్ మహిళల సింగిల్స్ టైటిల్ కోసం డిఫెండింగ్ ఛాంపియన్ ఇగా స్వియటెక్, కరోలినా ముచోవా తలపడనున్నారు. సాయంత్రం ఆరుగంటలకు ఈ మ్యాచ్ జరగనుంది. 26 ఏళ్ల ముచోవా కెరీర్‌లో తొలిసారి గ్రాండ్‌స్లామ్‌ టైటిల్ ఫైట్‌కు చేరింది. మరోవైపు స్వియటెక్ ఫ్రెంచ్ ఓపెన్ ఫైనల్‌ చేరడం ఇది మూడోసారి. 2020, 2022లో ఆమె విజేతగా నిలిచింది.