సోను సూద్ అంటే కరోనా సమయంలో పేదల కోసం ఆవిర్భవించిన కొత్త దేవుడని ఆయన సాయం పొందిన వాళ్లు అనుకుంటారు. ఆయన సేవా కార్యక్రమాలు అలా సాగుతూనే ఉన్నాయి. చాలా చోట్ల ఆక్సిజన్ ప్లాంట్లు కూడా పెట్టించారు. ఆయనకు చాలా సార్లు వినూత్నమైన సాయం కోసం విజ్ఞప్తులు వస్తూంటాయి. అయితే అవి కామెడీగా పెడతారు. కానీ ముంబైలోని ఓ వ్యక్తి మాత్రం సీరియస్‌గానే కాస్త భిన్నమైన విజ్ఞప్తి చేశారు. అదేమిటంటే.. తన కరెంట్ మీటర్ పాడైపోయిందట. కొత్తది పెట్టించాలట.
Also Read: ప్రధానిపై దాడికి ఉగ్రకుట్ర.. సంచలన విషయాలు వెల్లడించిన నిఘానివేదిక !?
సోనుసూద్ కి ట్వీట్ చేసిన వ్యక్తి కరెంట్ మీటర్ పని చేస్తోంది. కానీ డిస్ ప్లే పోయింది. కొత్తగా పెట్టాలని ఆయన కరెంట్ అధికారుల్ని కోరితే రూ. పన్నెండు వందలవుతుందని చెప్పారు. దానికి కూడా సరే అన్న వ్యక్తి కట్టేందుకు సిద్ధమయ్యారు. అయితే రెండు నెలల పాటు తిప్పించుకున్నారు కానీ పని కాలేదు. దీంతో సోనుకు ట్వీట్ చేశారు. ఈ ట్వీట్ చూసి ఆశ్చర్యపోయిన సోనుసూద్.. లైట్ తీసుకోలేదు. అతని కష్టం తీర్చాడు. ఫోటోను ట్వీట్ చేసి.. ఇలాంటి సాయం చేస్తానని కలలో కూడా అనుకోలేదని జోకేశాడు.
Also Read: పంజాబ్‌లో డ్యూటీ ఎక్కిన ఈడీ..! ఎన్నికల సమయంలో ప్రత్యర్థులపై ఈ దాడులు తప్పవా ?
ఇలాంటి సాయాలు చేస్తే సోషల్ మీడియాలో జోకులేయడానికి చాలా మంది ఉంటారు. కొంత మంది తాను ట్విట్టర్‌లో బిజీగా ఉండటం వల్ల కరెంట్ బిల్ కట్టలేకపోయానని.. అందుకే తన మీటర్ తీసుకెళ్లిపోయారని.. అయితే సోను చేసిన సాయం వల్ల తన మీటర్ తిరిగి వచ్చిందని ఫోటోలు పోస్ట్ చేస్తూ సెటైర్లు వేస్తున్నారు.
Also Read: వరంగల్ బాలుడికి గ్రేట్ ఛాన్స్.. ఏకంగా ఎలన్ మస్క్‌నే మెప్పించి.. అదేం అంత సులువు కాదు!
సోనుసూద్‌పై ఇటీవల ఐటీ దాడులు జరిగాయి. ఆయన సోదరి పంజాబ్‌లో కాంగ్రెస్ పార్టీలో చేరింది. ఆ పార్టీ నుంచి ఎమ్మెల్యేగా పోటీ చేస్తోంది. అయినప్పటికీ రాజకీయాలతో సంబంధం లేకుండా తన సేవా కార్యక్రమాలను సోనుసూద్ కొనసాగిస్తున్నారు.
Also Read: భారత్‌ ఇలా చేస్తే కేసులు తగ్గుతాయి.. లాక్‌డౌన్‌ అక్కర్లేదు: WHOలో భారత ప్రతినిధి