Viral News in Telugu: యూపీలోని ఆగ్రాలో కొందరు ఆకతాయిలు స్కూటీపై వెళ్తున్న మహిళని వెంబడించి వేధించారు. రెండు బైక్‌లపై వెంటబడిన ఐదుగురు యువకులు ఆమెని చుట్టుముట్టారు. పదేపదే ఆమె స్కూటీని తన్ని ఇబ్బంది పెట్టారు. ఆ యువతి అక్కడి నుంచి తప్పించుకునేందుకు ప్రయత్నించినా వాళ్లు అడ్డగించారు. చుట్టూ అందరూ ఉండగానే ఇలా వేధించారు. దాదాపు కిలోమీటర్ వరకూ ఇదే విధంగా వెంబడించారు. ఈ వీడియో సోషల్ మీడియాలో వైరల్ అవుతోంది. ఈ 23 సెకన్ల వీడియో పోలీసుల దృష్టిలో పడింది. వెంటనే విచారణ చేపట్టి ఇద్దరు నిందితులను అరెస్ట్ చేశారు. మిగతా ముగ్గురి కోసం గాలిస్తున్నారు.
రాత్రి పూట నడిరోడ్డుపై అంతా చూస్తుండగానే ఇలా వేధించడంపై నెటిజన్లు మండి పడుతున్నారు. యువతి తన స్కూటీపై వెళ్తుండగా రెండు వైపులా ఆకతాయిలు చుట్టుముట్టారు. వాళ్లలో ఓ వ్యక్తి ఆమెని వెనక నుంచి తాకేందుకు ప్రయత్నించాడు. మరో వ్యక్తిని ఆమెని తోసేయాలని చూశాడు. దూరంగా ఓ ట్రాఫిక్ పోలీస్‌ కనిపించగానే వెంటనే అక్కడికి వెళ్లి విషయం చెప్పింది ఆ యువతి. అక్కడి నుంచి ఆ యువకులు పరారయ్యారు. దీనిపై పోలీసులు అధికారికంగా ఎలాంటి ప్రకటన చేయలేదు. ఆగస్టు 9వ తేదీన కోల్‌కతాలో ట్రైనీ డాక్టర్‌పై హత్యాచారం జరిగింది. ఈ ఘటనతో మహిళల భద్రతపై దేశమంతా నినదిస్తోంది. వారం రోజుల్లో దేశంలో ఎక్కడో ఓ మూల లైంగిక వేధింపులు, అత్యాచార కేసులు నమోదవుతున్నాయి. ఇలాంటి సమయంలో ఈ ఘటన జరగడం అలజడి సృష్టిస్తోంది.
Also Read: Viral Video: రెండో అంతస్తు నుంచి మీద పడిన ఏసీ, విలవిలలాడి అక్కడికక్కడే వ్యక్తి మృతి - వీడియో