నాకు పవర్‌ కాదు.. ప్రజా సేవే ముఖ్యం: ప్రధాని మోదీ

Mann Ki Baat: నాకు పవర్‌ కాదు.. ప్రజా సేవే ముఖ్యం: ప్రధాని మోదీ

ABP Desam Updated at: 28 Nov 2021 01:29 PM (IST)

Edited By: Murali Krishna

'మన్‌ కీ బాత్'లో భాగంగా ప్రధాని నరేంద్ర మోదీ కీలక వ్యాఖ్యలు చేశారు. అధికారం ముఖ్యం కాదని ప్రజలకు సేవ చేయడమే ముఖ్యమని మోదీ అన్నారు.

పంచాయత్ నుంచి పార్లమెంటు వరకు 'అమృత్ మహోత్సవం' ఘనంగా జరపాలి. మన స్వాతంత్య్ర సమరయోధులను తరువాతి తరాలు కూడా గుర్తుంచుకోవాలి. అందుకోసమే ఈ కార్యక్రమాన్ని పెద్ద ఎత్తున నిర్వహించనున్నాం. డిసెంబర్‌లో నేవీ డే, ఆర్మ్‌డ్ ఫోర్స్ ఫ్లాగ్ డే జరపుకోనున్నాం. డిసెంబరు 16నాటికి 1971 యుద్ధం జరిగి, 50 ఏళ్లు పూర్తవనుంది. ఈ సందర్భంగా నేను సాయుధ దళాలు, మన సైనికులు, వారికి జన్మనిచ్చిన తల్లులను స్మరించుకుంటున్నాను. - ప్రధాని నరేంద్ర మోదీ

ఉత్తర్ప్రదేశ్లో జాలౌన్ జిల్లాలో నూన్ నది ఉంది. ఆ నది క్రమంగా అంతరించిపోయే దశకు చేరుకుంది. దీని వల్ల ఆ ప్రాంతంలోని రైతులు తీవ్ర ఇబ్బందులు ఎదుర్కొన్నారు. ఈ ఏడాది ఆ రైతులు ఓ సంఘంగా ఏర్పడి ఆ నదిని పునరుద్ధరించేందుకు చర్యలు తీసుకున్నారు. ఇది సబ్కా సాత్, సబ్ కా వికాస్ స్ఫూర్తికి నిదర్శనం - ప్రధాని నరేంద్ర మోదీ