TMC MP Mahua Moitra Bag Price: తృణమూల్ కాంగ్రెస్ ఎంపీ మహువా మొయిత్రాకు సంబంధించిన ఓ వీడియో సోషల్ మీడియాలో వైరల్ వైరల్ అవుతోంది. పార్లమెంటులో ఫైర్ బ్రాండ్ స్పీచ్‌లతో మహువా అందర్నీ ఆకర్షించారు. అయితే పార్ల‌మెంట్‌లో సోమ‌వారం.. మహువా తన హ్యాండ్ బ్యాగ్‌ను దాచి పెడుతోన్న ఓ వీడియో సోషల్ మీడియాలో తిరుగుతోంది. దీంతో ఆమె అలా ఎందుకు చేశారు అంటూ? చర్చ మొదలైంది.
ఇలా జరిగింది
లోక్‌స‌భ‌లో ధ‌ర‌ల పెరుగుద‌ల‌పై చర్చ జ‌రుగుతోన్న సమయంలో ఈ ఘటన జరిగింది. టీఎంసీ ఎంపీ ద‌స్తీదార్ ధ‌ర‌ల పెరుగుద‌ల గురించి మాట్లాడారు. ఆ సమయంలో ఎంపీ ద‌స్తీదార్ ప‌క్క‌నే మహువా మొయిత్రా కూర్చుకున్నారు. ద‌స్తీదార్ మాట్లాడుతోన్న సమయంలో తన హ్యాండ్ బ్యాగ్‌ను ఎంపీ మహువా తీసి టేబుల్ కింద పెట్టారు. ఇంత‌కీ ఆ బ్యాగ్‌ను ఎంపీ మహువా ఎందుకు కింద పెట్టిందో ఎవ‌రికీ అర్థం కాలేదు.
ధర గురించి
అయితే ఇందుకు సంబంధించిన ఓ వీడియో ఆన్‌లైన్‌లో వైరల్ అవుతోంది. దీంతో నెటిజన్లు ఆమె బ్యాగ్ ఎందుకు కింద పెట్టిందో వెతికే పనిలో పడ్డారు. ఆమె బల్ల కింద పెట్టిన లగ్దరీ బ్యాగ్ ధర సుమారు రూ.2 లక్షలట. ఆ బ్యాగ్ లూయిస్ విట్టాన్ బ్రాండ్‌కు చెందినది. ధ‌ర‌ల పెరుగుద‌ల గురించి చ‌ర్చిస్తున్న సమయంలో ఇలాంటి ఖ‌రీదైన బ్యాగ్‌ల‌తో పార్ల‌మెంట్‌కు వ‌స్తారా? అని ఎవరైనా ప్రశ్నిస్తారేమోనని ఆమె వెంటనే ఆ బ్యాగ్ దాచినట్లు నెటిజన్లు కామెంట్లు పెడుతున్నారు.
ఎంపీ కౌంటర్
సోషల్ మీడియాలో వైరల్ అవుతోన్న ఈ వీడియోకు ఎంపీ మహువా గట్టిగానే కౌంటర్ ఇచ్చారు. 2019 నుంచి తాను ఇదే బ్యాగ్‌ను పార్లమెంటుకు తీసుకువెళ్లి, తిరిగి తీసుకువస్తున్నానని ట్వీట్ చేశారు. ఇందుకు సంబంధించి పలు సందర్భాల్లో తీసిన ఫొటోలను ఆమె షేర్ చేశారు.
Also Read: Kerala MP Ramya Haridas: ఓ మంచి అబ్బాయిని చూడండి- పెళ్లి చేసుకుంటా: పాటలు పాడుతూ MP రిక్వెస్ట్
Also Read: National Herald Case: నేషనల్ హెరాల్డ్ కేసులో ED స్పీడు- దిల్లీలో 10 ప్రాంతాల్లో సోదాలు