Agniveers Training: 'అగ్నిపథ్' పథకంపై వివిధ రాష్ట్రాల్లో ఆందోళనలు వ్యక్తమవుతోన్న వేళ ఆర్మీ, వాయుసేన అధిపతులు కీలక ప్రకటన చేశారు. ఈ పథకం కింద త్వరలోనే నియామకాలు చేపట్టనున్నట్లు వెల్లడించారు. అగ్నిపథ్ పథకంలో భాగంగా ఈ ఏడాది చేరే అభ్యర్థులకు వయోపరిమితిని 23 ఏళ్లకు పెంచుతున్నట్లు కేంద్రం తీసుకున్న నిర్ణయంపై హర్షం వ్యక్తం చేశారు.
కరోనా కారణంగా గత రెండేళ్లలో సైన్యంలో చేరే అవకాశం రానివారికి ఈ నిర్ణయం ఉపశమనం కలిగించినట్లు అయింది. 2022 డిసెంబర్‌లో మొదటి బ్యాచ్ అగ్నివీరులకు శిక్షణ ప్రారంభిస్తాం. 2023 జూన్ లేదా జులైలో వీరికి బాధ్యతలు అప్పగిస్తాం. ఈ నియామక ప్రక్రియ త్వరలోనే ప్రారంభంకానుంది. మరో రెండు రోజుల్లో నోటిఫికేషన్ విడుదల చేస్తాం. త్వరలోనే రిజిస్ట్రేషన్ మొదలైన అంశాలపై షెడ్యూల్ ప్రకటిస్తాం. - మనోజ్ పాండే, ఆర్మీ చీఫ్
ఈ నెల్లోనే
మరోవైపు ఈ నెలలోనే వాయుసేన నియామకాలు ప్రారంభిస్తున్నట్లు వాయుసేన అధిపతి వీఆర్ చౌదరి ప్రకటించారు. ఈ అవకాశాన్ని యువత అందిపుచ్చుకోవాలని పిలుపునిచ్చారు.
ఈ ఏడాది జరిగే అగ్నిపథ్ నియాకాల్లో అభ్యర్థులకు వయోపరిమితిని 23 ఏళ్లకు పెంచుతున్నట్లు ప్రకటించడం సంతోషంగా ఉంది. ఇది యువతకు మేలు చేస్తుంది. వాయుసేనలో అగ్నిపథ్ నియమకాలు ఈనెల 24న ప్రారంభం కానున్నాయి. - వీఆర్ చౌదరి, ఎయిర్ఫోర్స్ చీఫ్
Also Read: Agneepath Recruitment Scheme: అగ్నిపథ్‌తో సైన్యానికి లాభమా, నష్టమా- ప్రభుత్వం ఏం చెబుతోంది