Priyanka Gandhi Corona Positive: కాంగ్రెస్లో కరోనా కలకలం రేపింది. పార్టీ అధినేత్రి సోనియా గాంధీ సహా పలువురికి కరోనా పాజిటివ్ అని గురువారం తెలిసింది. అయితే తాజాగా పార్టీ ప్రధాన కార్యదర్శి ప్రియాంక గాంధీకి కూడా కొవిడ్ పాజిటివ్ అని తేలింది.
ఈడీ విచారణ వేళ
సోనియా గాంధీకి గురువారం కరోనా పాజిటివ్ వచ్చింది. నేషనల్ హెరాల్డ్ కేసులో ఈడీ విచారణకు హాజరుకావాల్సిన వేళ సోనియాకు వైరస్ సోకింది. ఈ మేరకు కాంగ్రెస్ నేత రణ్దీప్ సుర్జేవాలా తెలిపారు.
స్వల్ప జ్వరంతో పాటు ఆమెకు కొన్ని కరోనా లక్షణాలు ఉన్నాయన్నారు. ప్రస్తుతం సోనియా గాంధీ ఐసోలేషన్లో ఉన్నారని, వైద్య సాయం అందించినట్లు సుర్జేవాలా పేర్కొన్నారు. అయితే జూన్ 8న ఆమె ఈడీ విచారణకు హాజరుకావాల్సి ఉందని తెలిపారు.
ఈడీ నోటీసులు
నేషనల్ హెరాల్డ్ కేసులో సోనియా గాంధీ, రాహుల్ గాంధీకి ఈడీ సమన్లు జారీ చేసింది. ఈ కేసులో విచారణ కోసం జూన్ 8న సోనియాను హాజరుకావాలని ఈడీ నోటీసులో సూచించింది. రాహుల్ గాంధీ గురువారం హాజరుకావాల్సి ఉంది. అయితే తాను కూడా సోనియా గాంధీతో కలిసి విచారణకు హాజరవుతానని రాహుల్ గాంధీ.. ఈడీని కోరినట్లు తెలుస్తోంది.
Also Read: LPG Cylinder Subsidy : సామాన్యులకు కేంద్రం భారీ షాక్, ఎల్పీజీ గ్యాస్ సబ్సిడీ తొలగింపు