Air Force Day : భారత వైమానిక దళం (ఐఏఎఫ్) అమెరికా, చైనా, రష్యా తర్వాత ప్రపంచంలో నాల్గో అతిపెద్ద వైమానిక దళం. వైమానిక దళ దినోత్సవం అక్టోబర్ 8న జరుపుకుంటారు. ఇది 90వ వార్షికోత్సవం. ఈసారి భారత వైమానిక దళం కవాతు. ఫ్లై పాస్ట్ చండీగఢ్‌లో నిర్వహిస్తున్నారు. ఎయిర్ ఫోర్స్ డే సందర్భంగా చండీగఢ్‌లోని సుఖ్నా సరస్సుపై సింగిల్ ఇంజిన్ మిగ్-21తో సహా 80 విమానాలు భారీ ప్రదర్శన ఇవ్వనున్నాయి.
భారత వైమానిక దళానికి 90 ఏళ్లు
భారత వైమానిక దళం అధికారికంగా 1932 అక్టోబరు 8 న స్థాపించారు. దీని మొదటి విమానం 1933 ఏప్రిల్ 1న గాల్లోకి ఎగిరింది. భారత వైమానిక దళం భారత నావికాదళం, సైన్యంతోపాటు దేశ రక్షణ వ్యవస్థలో ఒక ప్రాథమిక, ముఖ్యమైన భాగంగా ఉంది. గిరిజనులకు వ్యతిరేకంగా వజీరిస్తాన్ యుద్ధం సమయంలో ఐఎఎఫ్ మొదట సాహసోపేతమైన చర్యకు దిగింది. తరువాత రెండో ప్రపంచ యుద్ధ సమయంలో వైమానిక దళం బాగా విస్తరించింది. యుద్ధ సమయంలో ముఖ్యంగా బర్మాలో ఐఎఎఫ్ గొప్ప రక్షణ శక్తిగా నిరూపించుకుంది. దీని తరువాతే రాయల్ ఇండియన్ ఎయిర్ ఫోర్స్ (ఆర్ఐఏఎఫ్) గా ప్రసిద్ధి చెందింది.
2017 జూలై 1 నాటికి, భారత వైమానిక దళంలో 12,550 మంది అధికారులు, 1,42,529 మంది వైమానిక దళ సిబ్బంది దేశ సేవలో ఉన్నారు. భారత భూభాగాన్ని అన్ని ప్రమాదాల నుంచి రక్షించే బాధ్యత ఐఎఎఫ్‌కు ఉండటమే కాకుండా, ప్రకృతి వైపరీత్యాల సమయంలో ప్రభావిత ప్రాంతాలకు సహాయం అందించే బాధ్యత కూడా ఉంది. రెండో ప్రపంచ యుద్ధం, చైనా-భారత యుద్ధం, ఆపరేషన్ కాక్టస్, ఆపరేషన్ విజయ్, కార్గిల్ యుద్ధం, భారతదేశం-పాకిస్తాన్ యుద్ధం, కాంగో సంక్షోభం, ఆపరేషన్ పూమ్లై, ఆపరేషన్ పవన్, మరికొన్నింటిలో ఐఎఎఫ్ పాల్గొని సత్తా చాటింది.
ఐఏఎఫ్‌కు ఐదు ప్రధాన బలాలు
డసాల్ట్ రాఫెల్: ప్రస్తుతం 36 రఫేల్ యుద్ధ విమానాలు భారత వైమానిక దళంతో పని చేస్తున్నాయి. రాఫెల్ రాకతో భారత యుద్ధ శక్తి మరింత పెరిగింది. రాఫెల్‌లో ఉల్క, హామర్ వంటి క్షిపణులు ఉన్నాయి. రెండు ఇంజిన్ల రాఫెల్ ఫైటర్ జెట్ మల్టీ రోల్ కాగలదు. ఎటు నుంచి ఏటైనా దూసుకుపోయే సామర్థ్యాన్ని కలిగి ఉంది. శత్రువు సరిహద్దు సమీపానికి వెళ్లి కూడా దాడి చేస్తుంది. రాఫెల్ ఆకాశంలో ఎగురుతున్నప్పుడు, శత్రు విమానాలు, హెలికాప్టర్ లేదా డ్రోన్ కొన్ని వందల కిలోమీటర్లు దూరంలో ఉన్నా గుర్తిస్తుంది. అంతు చూస్తుంది. శత్రువు భూభాగంలోకి చొచ్చుకుపోయి బాంబులు వేసి విధ్వంసం సృష్టించగలదు. రాఫెల్‌ను మల్టీ రోల్ ఫైటర్ ఎయిర్ క్రాఫ్ట్ అని కూడా పిలవడానికి ఇదే కారణం.
సుఖోయ్, సుఖోయ్ ఎస్యూ-30ఎంకేఐ: 40కిపైగా సుఖోయ్ యుద్ధ విమానాలకు బ్రహ్మోస్ ఎయిర్-టు-ఎయిర్ వేరియంట్ను జోడించాలని ప్రభుత్వం 2016లో నిర్ణయించింది. పెద్ద 'స్టాండ్-ఆఫ్ రేంజ్' నుంచి సముద్రం లేదా భూమి వద్ద ఏదైనా లక్ష్యాన్ని ఛేదించే ఐఏఎఫ్ సామర్థ్యాన్ని పెంపొందించడానికి ఈ ప్రాజెక్ట్ రూపొందించారు.
మికోయన్ మిగ్-29: ఫాల్కన్‌గా ప్రసిద్ధి చెందిన మిగ్-29 ఒక ప్రత్యేకమైన వైమానిక సుపీరియారిటీ ఫైటర్. ఇది సుఖోయ్-30 ఎమ్‌కెఐ తరువాత ఐఏఎఫ్ రెండో రక్షణ బలం. 69 మిగ్-29లు సేవలు అందిస్తున్నాయి. ఇవన్నీ ఇటీవల మిగ్-29 యుపిజి స్టాండర్డ్‌కు అప్ గ్రేడ్ అయ్యాయి.
డసాల్ట్ మిరేజ్ 2000: మిరేజ్ 2000ను భారత వైమానిక దళంలో వజ్రంగా పిలుస్తారు. ఐఏఎఫ్ ప్రస్తుతం 49 మిరేజ్ 2000 హెచ్, 8 మిరేజ్ 2000 టిహెచ్‌లను కలిగి ఉంది. ఇవన్నీ ప్రస్తుతం భారతీయ నిర్దిష్ట మార్పులతో మిరేజ్ 2000-5 ఎంకె2 స్టాండర్డ్‌కు అప్ గ్రేడ్ చేస్తున్నారు.
హెచ్ఏఎల్ తేజాస్: ఐఏఎఫ్ మిగ్-21 స్థానంలో దేశీయంగా తయారైన హెచ్ఏఎల్ తేజస్ ప్రవేశపెట్టనున్నారు. మొదటి తేజస్ ఐఎఎఫ్ యూనిట్, నెం. 45 స్క్వాడ్రన్ ఏఏఎఫ్‌ ఫ్లయింగ్ డాగర్స్, 1 జులై 2016 న ఏర్పడింది. దీని తరువాత, నంబర్ 18 స్క్వాడ్రన్ ఐఏఎఫ్ "ఫ్లయింగ్ బుల్లెట్స్" 27 మే 2020న ఏర్పడింది. 2021 ఫిబ్రవరిలో 40 మార్క్ 1, 73 సింగిల్ సీట్ మార్క్ 1 ఏఏఎస్, 10 రెండు సీట్ల మార్క్ 1 ట్రైనర్లతో సహా 123 తేజస్ కోసం ఆర్డర్ ఇచ్చారు.