Kanpur MMG Order: నిమిషానికి వెయ్యి బుల్లెట్లు - కాన్పూర్ మెషిన్ గన్‌కు యూరప్‌లో డిమాండ్‌

Kanpur MMG Order: కాన్పూర్‌లోని ఆయుధ కర్మాగారం దేశాభివృద్ధిలో పెద్ద పాత్రే పోషిస్తోంది. ఇప్పుడు ఈ ఫ్యాక్టరీకి యూరప్ నుంచి చాలా పెద్ద ఆర్డర్ వచ్చింది.

Kanpur News Today: మారుతున్న కాలంతో పాటు ప్రపంచ దేశాల ప్రాధాన్యతలు మారిపోతున్నాయి. భారత్‌తోపాటు ప్రపంచ దేశాలన్నీ అంతర్గత, సరిహద్దు భద్రత కోసం పటిష్ట చర్యలు తీసుకుంటున్నాయి. ఆధునిక సాంకేతిక పరిజ్ఞానాన్ని వాడుకుంటున్నాయి. ఆధునికంగా ఎన్ని ఆయుధాలు వచ్చినప్పటికీ MMGకి ఉన్న ప్రయార్టీయే వేరు. మీడియం మెషిన్ గన్‌ ఇప్పటికీ సైన్యానికి ఇదే అత్యంత ప్రభావవంతమైన ఆయుధంగా ఉంది.

MMG ఆయుధం అనేక లక్షణాలు కలిగి ఉంది. దీని పరిధి రెండు కిలోమీటర్ల వరకు ఉంటుంది. ఇది శత్రువులను కచ్చితత్వంతో కొట్టే సామర్థ్యాన్ని కలిగి ఉంది. దీనికి డిమాండ్ ఇప్పుడు యూరోపియన్ దేశాల్లో కూడా బాగా పెరిగింది, దీనిని దృష్టిలో ఉంచుకుని కాన్పూర్‌లోని చిన్న ఆయుధ కర్మాగారానికి భారీ ఆర్డర్ వచ్చింది.  2000 ఎంఎంజీలు తయారీకి వారికి యూరప్ నుంచి ఆర్డర్ వచ్చింది. 

225 కోట్ల విలువైన ఆర్డర్
కాన్పూర్‌లో ఉన్న చిన్న ఆయుధ కర్మాగారానికి ఈ ఆర్డర్ వచ్చింది. ఇది ఆర్డర్‌ను పూర్తి చేసిన తర్వాత కేవలం రెండు సంవత్సరాల్లో ఐరోపాకు అప్పగించనున్నారు. వాస్తవానికి ఒక నిమిషంలో వెయ్యి బుల్లెట్లను కాల్చగల సామర్థ్యం ఉన్న MMGలు యూరప్‌కు అవసరం వారికి డిమాండ్‌కు అనుగుణంగానే తయారు చేస్తున్నారు.  

2000 MMG ఆర్డర్‌ను నెరవేర్చడానికి రక్షణ మంత్రిత్వ శాఖ కూడా పని ప్రారంభించింది. ఇప్పటి వరకు ఇదే అతిపెద్ద ఆర్డర్‌గా పరిగణిస్తున్నారు. డిసెంబర్ 2023లో యూరోపియన్ దేశాలతో ఒప్పందం కుదుర్చుకుంది, దీనిలో కాన్పూర్‌లోని చిన్న ఆయుధ కర్మాగారానికి రూ. 225 కోట్ల ఆర్డర్ వచ్చింది, ఇది ఫ్యాక్టరీకి అతిపెద్ద ఆర్డర్‌గా చెబుతున్నారు.  

MMGని ఆర్డర్ చేస్తున్నప్పుడు ఐరోపా దేశాలు అనేక షరతులు విధించాయి. ఇందులోభాగంగా కేవలం ఒక్క నిమిషంలో వెయ్యి బుల్లెట్లు కాల్చగల ఆయుధాన్ని యూరోపియన్ దేశాలు కోరుకున్నాయి. ఈ తుపాకీ బరువు కేవలం 11 కిలోలు మాత్రమే ఉండాలి. తద్వారా సైనికులు నేలపై కదలడానికి , ఎక్కువ దూరం ప్రయాణించడానికి వీలుంటుంది. క్యారీ చేయడానికి ఎటువంటి అసౌకర్యంగా ఫీల్ కారు. దీని పరిధి దాదాపు 1.8 కి.మీ. ఉండాలి.   

ఆయుధాల కోసం చాలా దేశాలు అడుగుతున్నాయి.   
ఎంఎంజీ ఎగుమతి ఆర్డర్‌ను పూర్తి చేసేందుకు శరవేగంగా పనులు జరుగుతున్నాయని చిన్న ఆయుధ కర్మాగారం జీఎం సురేంద్రపతి తెలిపారు. ఇందుకు మూడేళ్ల కాలవ్యవధిని నిర్ణయించి యూరోపియన్ దేశంతో కూడా అదే ఒప్పందం చేసుకున్నారు. త్వరలో తయారు చేసి ఆర్డర్ పంపుతామని తెలిపారు. ఇది కాకుండా, అనేక ఇతర దేశాలు ఇతర ఆధునిక ఆయుధాల కోసం కూడా సంప్రదింపులు జరుపుతున్నాయి.