Bihar News: కన్నకొడుకు మృతదేహం కోసం యాచకులుగా మారారు ఆ తల్లిదండ్రులు. కుమారుడి మృతదేహాన్ని అప్పగించాలంటే రూ.50 వేలు లంచం అడిగాడు ఆసుపత్రిలో పని చేసే ఓ ఉద్యోగి. బిహార్‌లో జరిగిన ఈ అమానవీయ ఘటన యావత్ దేశాన్ని ఆవేదనకు గురిచేస్తుంది.
ఇదీ జరిగింది
బిహార్ సమస్తీపుర్‌లో ఉన్న సర్దార్ ఆసుపత్రి నుంచి ఆ తండ్రికి కాల్ వచ్చింది. మీ కుమారుడు చనిపోయాడు వచ్చి మృతదేహాన్ని తీసుకువెళ్లండి అని ఆసుపత్రి సిబ్బంది ఫోన్ చేశారు. కొన్ని రోజులుగా కనిపించకుండా పోయిన కొడుకు.. చనిపోయాడని తెలిసి ఆదరాబాదరాగా ఆసుపత్రికి వెళ్లారు ఆ తల్లిదండ్రులు. తీరా ఆసుపత్రికి వెళ్లాక తన కుమారుడి మృతదేహం ఇవ్వాలంటే రూ.50వేలు లంచం ఇవ్వాలని డిమాండ్ చేశాడు ఆసుపత్రిలో పని చేసే ఓ ఉద్యోగి.
అంత డబ్బు ఇవ్వడానికి తమ దగ్గర డబ్బులు లేవని ప్రాధేయపడినా వినలేదట. దీంతో డబ్బులు ఇవ్వడానికి మృతుడి తల్లిదండ్రులు యాచకులుగా మారారు. వీరు భిక్షాటన చేస్తోన్న వీడియో, ఫొటోలు ప్రస్తుతం వైరల్‌గా మారాయి.
సర్కార్ సీరియస్
ఈ విషయంపై ప్రభుత్వ అధికారులు ఆగ్రహం వ్యక్తం చేశారు. సర్దార్ ఆసుపత్రి ఉద్యోగిని అదుపులోకి తీసుకుని విచారించి చట్టప్రకారం చర్యలు తీసుకుంటామని పేర్కొన్నారు. అలాగే ఆ తల్లిదండ్రులకు కుమారుడి మృతదేహాన్ని కూడా అప్పగిస్తామని హామీ ఇచ్చారు.
Also Read: Prophet Comment Row: నుపుర్ శర్మ, నవీన్ జిందాల్, ఓవైసీపై దిల్లీ పోలీసుల కేసు
Also Read: Presidential Election 2022: రాష్ట్రపతి ఎన్నికల షెడ్యూల్‌పై ఈసీ కీలక ప్రకటన