Bahubali Samosa : సమోసా తింటే బిల్లు కట్టక్కర్లేదు పైగా రూ. 51 వేలిస్తారు - ట్రై చేస్తారా ?
పుడ్ కాంపిటిషన్లు ఎక్కడో చోట జరుగుతూనే ఉంటాయి. అయితే ఈ ఫుడ్ కాంపిటిషన్ మాత్రం భిన్నం. ఒక్కటి..ఒక్కటంటే ఒక్క సమోసా తింటే రూ. యాభై ఒక్క వేలిస్తారు. ఓస్ అంతేనా అనుకోవద్దు.. అంత తేలిగ్గా తినేదయితే ఎందుకు కాంపిటిషన్ ఉంటుంది ?
Bahubali Samosa : సమోసాలు అంటే మనకు తెలిసింది అనియన్ సమోసా. ఇలాంటివి నాలుగైదు ఈజీగా లాగించేయవచ్చు. ఇది కాదు అనుకుంటే ఆలూ సమోసా ఉంటుంది. అవి రెండు తింటే ఓ పూటభోజనం తిన్నట్లే. అంత కంటే పెద్ద సమోసాలు ఎక్కడా చూసి ఉండం. కానీ ఉత్తర ప్రదేశ్‌లోని మీరట్‌లో ఓ వ్యాపారి ఎనిమిది కేజీల బరువుంటే సమోసా తయారు చేశాడు. అలాంటి సమోసా ఎవరూ కొనరు కదా.. అతను కాడా అమ్మడానికి కొనలేదు. దానికి బాహుబలి సమోసా అని పేరు పెట్టి ప్రదర్శనకు పెట్టాడు. పోటీ కూడా పెట్టాడు. ఈ సమోసాను అరగంటలో తింటే... దానికి బిల్లు కట్టక్కర్లేదని... పైగా తానే రూ. 51 వేలు ఇస్తానని ఆఫర్ ప్రకటించాడు.
ఆయుర్వేదంపై అధ్యయనం చేయండి, ఎన్‌ఈపీతో అద్భుత అవకాశాలు - ప్రధాని మోదీ
శుభం ఎవరూ అంత పెద్ద సమోసాను తినే బాహుబలి రాకపోవడంతో నిరాశకు గురవుతున్నారు. ఎవరైనా వచ్చి చాలెంజ్‌ను స్వీకరించి సమోసా తింటే రూ. యాభై ఒక్క వేలు ఇద్దామని అనుకుంటున్నాడు. తర్వాత పది కేజీల సమోసా చేద్దామనుకుంటున్నాడు. కానీ ఇంత వరకూ ఎవరూ తినలేకపోయారు. అందుకే.. మరికొంత ప్రచారం వస్తే ఎక్కువ మంది వస్తారని లోకల్ మీడియాకు సమాచారం ఇచ్చాడు.
ఈ న్యూస్ వైరల్ అయింది. దీంతో శుభం దుకాణానికి వచ్చే వారు కూడా పెరిగిపోయారు. ఇప్పుడు అతనికి రెండు విధాలుగా లాభం కలుగుతోంది. ఒకటి దుకాణానికి గిరాకీ.. మరో విధంగా ఆ సమోసా అమ్మకం. మొత్తానికి శుభం లాంటి వ్యాపారులు వినూత్న ఐడియాలు అమలు చేస్తేనే ఇలాంటి కాంపిటిషన్లు కూడా వెలుగులోకి వస్తాయి. ఈ బాహుబలి సమోసాని ట్రై చేయాలంటే ఉత్తరప్రదేశ్‌లోని మీరట్ వెళ్లాల్సిందే.