G20 Summit 2022: కెనడా ప్రధాని జస్టిన్ ట్రూడో ( Justin Trudeau), చైనా అధ్యక్షుడు జిన్పింగ్ (Xi Jinping) మధ్య ఇటీవల వాగ్వాదం జరిగింది. ఇందుకు సంబంధించిన వీడియో సోషల్ మీడియాలో వైరల్ అవుతోంది. ఇండోనేసియా వేదికగా ఇటీవల జరిగిన జీ-20 సదస్సులో (G20 Summit) ఈ ఆసక్తికర పరిణామం జరిగింది. వీరిద్దరి మధ్య జరిగిన డైలాగ్ వార్ కెమెరాకు చిక్కింది.
ఇదీ జరిగింది
జీ20 సదస్సులో భాగంగా కెనడా (Canada), చైనా (China) దేశాధినేతలు జస్టిన్ ట్రూడో, షి జిన్పింగ్ భేటీ అయ్యారు. అయితే ఈ సమావేశాల్లో భాగంగా ఇద్దరు నేతల మధ్య జరిగిన సంభాషణల వివరాలన్నింటినీ కెనడా ప్రధాని కార్యాలయం మీడియాకు విడుదల చేసింది. ఇలా చేయడాన్ని జిన్పింగ్ తప్పుబట్టారు. కెనడా ప్రధాని ట్రూడో సమక్షంలోనే అసంతృప్తి వ్యక్తం చేశారు.
అయితే జిన్పింగ్ వ్యాఖ్యలకు కెనడా ప్రధాని ట్రూడో స్ట్రాంగ్ కౌంటర్ ఇచ్చారు.
ఇలా ఇద్దరు నేతల మధ్య జరిగిన డైలాగ్ వార్ను ఓ కెనడా జర్నలిస్ట్ తన కెమెరాలో రికార్డ్ చేశారు. దీంతో ఈ వీడియో సోషల్ మీడియాలో వైరల్గా మారింది.
Also Read: Shraddha Murder Case: శ్రద్ధా హత్య కేసులో కీలక అప్డేట్- అఫ్తాబ్కు నార్కో పరీక్షలు