ఎన్నికలు దగ్గర పడిన వేళ పంజాబ్‌లో ఎన్‌ఫోర్స్‌మెంట్ డైరెక్టరేట్ దాడులు చేయడంపై సీఎం చరణ్జిత్ సింగ్ చన్నీ స్పందించారు. రాజకీయ ప్రత్యర్థులను అణగదొక్కడానికి ఈడీని ప్రధాని మోదీ ఓ అస్త్రంగా వాడుకుంటున్నారని చన్నీ ఆరోపించారు. ఇసుక మాఫియా కేసులో చన్నీ దగ్గరి బంధువుకు చెందిన 8 వేరువేరు ప్రాంతాల్లో మంగళవారం ఈడీ ఏకకాలంలో దాడులు చేసింది. దీనిపై చన్నీ తీవ్ర వ్యాఖ్యలు చేశారు.
ఈడీ చేసిన దాడులను కాంగ్రెస్ కూడా ఖండించింది. దేశంలో ఉన్న ఒకే ఒక్క దళిత ముఖ్యమంత్రిని మోదీ సర్కార్ ఇబ్బంది పెడుతుందని కాంగ్రెస్ ఆరోపించింది.
8 కోట్లు స్వాధీనం..
పంజాబ్ సీఎం చరణ్జిత్ సింగ్ చన్నీ దగ్గరి బంధువు భూపిందర్ సింగ్ నివాసాల్లో ఈడీ మంగళవారం దాడులు నిర్వహించింది. ఆయన ఇళ్లలో రూ. 8 కోట్ల మేర నగదును స్వాధీనం చేసుకున్నారు ఈడీ అధికారులు. అక్రమ ఇసుక తవ్వకాల కేసుకు సంబంధించిన దర్యాప్తులో భాగంగా రాష్ట్రవ్యాప్తంగా పలుచోట్ల తనిఖీలు నిర్వహించింది.
Also Read: Aparna Yadav BJP: ములాయం సింగ్ దీవెనలతోనే భాజపాలో చేరాను: ABPతో అపర్ణా యాదవ్
Also Read: Aparna Yadav Joins BJP: అనుకున్నట్లే అయింది.. భాజపాలోకి ములాయం చిన్నకోడలు.. సమాజ్‌వాదీలో గుబులు!
Also Read: UP Election 2022: ఊ అన్న అఖిలేశ్ యాదవ్.. యూపీ ఎన్నికల బరిలో ఇక సమరమే!