ఎంత కండలు తిరిగిన వీరుడైనా దెయ్యాన్ని చూస్తే చాలు.. హడలిపోతాడంటే మీరు నమ్ముతారా? అయితే, మీరు ఈ వీడియో చూడాల్సిందే. రోజూ జిమ్‌కు వచ్చి కండలు పెంచే ఓ వ్యక్తి.. ఓ కనిపించని శక్తి బెంబేలెత్తించింది. జిమ్ నుంచి బయటకు పరుగులు పెట్టించింది. జీవితంలో జిమ్ పేరు వింటే కసరత్తులు చేయకుండానే చెమటలు పట్టేంతగా భయపెట్టింది. ఇదంతా ఒట్టి మాటలుగా చెప్పకుంటే పెద్దగా నమ్మకం కలిగేది కాదు. కానీ, అదంతా జిమ్‌లో సీసీటీవీ కెమెరాలో రికార్డైంది. దీంతో ఈ వీడియో సోషల్ మీడియాలో వైరల్ అవుతోంది.
కొలంబియాలో ఖాళీగా ఉన్న ఓ జిమ్‌లో వ్యాయామం చేసేందుకు వచ్చిన ఓ వ్యక్తికి ఎదురైన చేదు అనుభవం ఇది. అతడు జిమ్‌లోకి ఎంట్రీ ఇచ్చే సమయానికే అక్కడ భిన్నమైన వాతావరణం ఉంది. జిమ్‌లోని వస్తువులు ఎవరి ప్రమేయం లేకుండా వాటికవే కదులుతున్నాయి. మనుషులు లేకుండా కొన్ని యంత్రాలు వాటికవే పనిచేస్తున్నాయి. అయితే, ఆ వ్యక్తి వాటిని పెద్దగా పట్టించుకోలేదు. అదే సమయంలో ఓ బంతి దానికదే కదులుతూ అతడి వద్దకు వచ్చింది. దీంతో జిమ్‌లో ఏదో తేడాగా ఉందనే భయంతో తన బ్యాగ్ సర్దుకుని బయటకు పరిగెట్టేందుకు ప్రయత్నించాడు. అంతే.. అకస్మాత్తుగా ఏదో అతడి కుడి కాలిని అమాంతంగా పైకి లేపింది. ఆ తర్వాత అతడిని లాక్కెళ్లింది. దీంతో అతడు మరింత హడలిపోయాడు. ఒక్క ఉదుటున బయటకు పరుగులు పెట్టాడు. ఈ వీడియోను చూస్తే మీరు కూడా హడలిపోతారు.
వీడియో:
ఇటీవల నాగపూర్‌లోని శతాబ్దినగర్ ప్రాంతంలో కూడా దెయ్యం కనిపించిందనే వదంతలు వ్యాపించాయి. రాజేంద్ర మెష్రామ్ అనే వ్యక్తి ఇంటికి అమర్చిన సీసీటీవీ కెమేరాకు చిక్కిన ఓ వింత ఆకారమే ఇందుకు కారణం. తెల్ల రంగులో.. గాల్లో తేలుతూ పరుగులు పెడుతున్నట్లు కనిపించిన ఆ ఆకారం చూసి.. తప్పకుండా అది దెయ్యమేనని భావిస్తున్నారు. ఆ వింత ఆకారం రాజేంద్ర ఇంటికి సమీపంలో ఉన్న ఓ పాడుబడిన ఇంట్లోకి పరుగులు పెట్టినట్లుగా ఆ వీడియోలో ఉంది. దీంతో స్థానికులు కూడా అది తప్పకుండా దెయ్యమే కావచ్చని, తమకు ఆ ఇంటి నుంచి ఎవరో ఏడుస్తున్నట్లు వినిపిస్తుంటుందని, ఒక్కోసారి వింత వింత శబ్దాలు వస్తుంటాయని తెలుపుతున్నారు. ఇది వాస్తవమా కాదా అనేది ఇంకా తెలియాల్సి ఉంది.
Also Read: ‘ఫస్ట్‌ నైట్’ బెడ్‌ను రోజా పూలతోనే అలంకరించాలట.. ఎందుకో తెలుసా?
కొద్ది రోజుల కిందట స్కాట్‌ల్యాండ్‌లోని గ్లాస్గో సమీపంలోని బారోఫీల్డ్‌లో నివసిస్తున్న మాక్సిన్ హ్యూస్ అనే మహిళ‌ను తన ఇంట్లోని సీసీటీవీ కెమెరాకు చిక్కిన వింత ఆకారం వీడియో కూడా వైరల్ అయ్యింది. ఇంటి గార్డెన్‌లో పార్క్ చేసిన కారవాన్ వద్ద నల్ల రంగులో ఉన్న ఓ వింత ఆకారం చక్కర్లు కొడుతూ కనిపించింది. అది గాల్లో ఎగురుతున్న ఆ ఆకారం తప్పకుండా ఆత్మ కావచ్చనే భయంతో ఆమె మతాధికారిని సంప్రదించింది. ఇదివరకు కూడా తాను అలాంటి నీడలను చూశానని మ్యాక్సిన్ తెలిపింది. తన పిల్లలు గార్డెన్‌లో ఆడుకుంటున్నప్పుడు వారి చుట్టూ ఆ నీడ తిరిగేదని పేర్కొంది.
Also Read: విచిత్రం.. ఇతడికి కడుపు లేదు, పేగుల్లేవు.. అయినా బతికేస్తున్నాడు!