China Restaurant Fire: రెస్టారెంట్‌లో చెలరేగిన మంటలు- ప్రమాదంలో 17 మంది మృతి!

China Restaurant Fire: చైనాలోని ఓ రెస్టారెంట్‌లో జరిగిన అగ్ని ప్రమాదంలో 17 మంది మృతి చెందారు.

China Restaurant Fire: చైనాలో ఘోర అగ్నిప్రమాదం జరిగింది. చాంగ్‌చున్‌లో ఉన్న ఓ రెస్టారెంట్‌లో జరిగిన అగ్ని ప్ర‌మాదంలో 17 మంది మృతి చెందారు. మ‌రో ముగ్గురు మంది గాయ‌ప‌డ్డారు.

ఇదీ జరిగింది

జిలిన్ ప్రావిన్సులో చాంగ్‌చున్ సిటీ ఉంది. బుధవారం మ‌ధ్యాహ్నం 3 గంట‌ల‌ సమయంలో రెస్టారెంట్‌లో ఒక్కసారిగా మంటలు చెలరేగాయి. ఈ ప్రమాదంలో 17 మంది మృతి చెందారు. మరో ముగ్గురికి గాయాలయ్యాయి. సమాచారం అందుకున్న వెంటనే అధికారులు, అగ్నిమాపక సిబ్బంది సంఘటనా స్థలానికి చేరుకున్నారు.

అగ్నిమాపక వాహనాల సాయంతో మంటల్ని ఆర్పేశారు. ప్రమాదానికి గల కారణాలపై పోలీసులు దర్యాప్తు చేస్తున్నారు.

చాంగ్‌చున్ నగరంలోని ఓ రెస్టారెంట్‌లో అగ్నిప్రమాదం సంభవించింది. సమాచారం అందిన  వెంటనే అగ్నిమాపక సిబ్బంది వచ్చి మంటలను ఆర్పే ప్రయత్నం చేశారు. ఈ ఘటనలో 17 మంది మృతి చెందారు. మరో ముగ్గురికి గాయాలయ్యాయి. క్షతగాత్రులను ఆసుపత్రికి తరలించాం. ఘటనపై కేసు నమోదు చేసి దర్యాప్తు చేస్తున్నాం.                                                               - పోలీసులు

ఇటీవల

చైనాలో ఇటీవల భారీ అగ్ని ప్రమాదం జరిగింది. సెంట్రల్ చైనాలోని చాంగ్షాలో ఓ టెలికామ్ బిల్డింగ్‌లో భారీ ఎత్తున మంటలు చెలరేగాయి. మొత్తం బిల్డింగ్ అంతా మంటల్లో తగలబడిపోయింది. ఈ మంటలతో చుట్టు పక్కల ప్రాంతాల్లో పొగ కమ్ముకుంది. అగ్నిమాపక సిబ్బంది వచ్చి మంటలు ఆర్పారు. చైనా టెలికాం బిల్డింగ్ తగలబడిపోతున్న దృశ్యాలు సోషల్ మీడియాలో వైరల్ అయ్యాయి.