Koramangala Car Accident: బెంగళూరులో ఘోర రోడ్డు ప్రమాదం... హోసూరు ఎమ్మెల్యే కొడుకు, కోడలు మృతి... విద్యుత్ స్తంభాన్ని ఢీకొట్టిన కారు
Koramangala Car Accident: కర్ణాటక బెంగళూరులో ఘోర రోడ్డు ప్రమాదం జరిగింది. ఈ ప్రమాదం తమిళనాడుకు చెందిన ఎమ్మెల్యే కొడుకు, కోడలు మృతి చెందారు. ఆడి కారు విద్యుత్ స్తంభాన్ని ఢీకొట్టడంతో ప్రమాదం జరిగింది.
కర్ణాటక రాజధాని బెంగళూరులోని కోరమంగళలో ఘోర రోడ్డు ప్రమాదం జరిగింది. ఆడి కారు విద్యుత్ స్తంభాన్ని ఢీకొట్టిన ప్రమాదంలో 7గురు మరణించారు. తమిళనాడు హోసూరు ఎమ్మెల్యే ప్రకాశ్ తనయుడు కరుణసాగర, కోడలు బిందు ఈ ప్రమాదంలో మరణించారు. మృతుల్లో మొత్తం ముగ్గురు మహిళలు ఉన్నారు. మంగళ్ కన్వెన్షన్ హాల్ వద్ద సోమవారం అర్ధరాత్రి 1.30 గంటల సమయంలో ఈ ఘటన జరిగినట్లు పోలీసులు పేర్కొన్నారు.
Also Read: Woman SI Suicide: 'ఈ రోజు చనిపోతున్నా'... సూసైడ్ కి ముందు పుస్తకంలో రాసిన మహిళా ఎస్సై...
ఆరుగురు అక్కడికక్కడే...
ఆరుగురు ఘటనా స్థలంలోనే మరణించారని పోలీసులు తెలిపారు. మరొకరు ఆసుపత్రికి తరలించే క్రమంలో చనిపోయినట్లు పేర్కొన్నారు. మృతులను కరుణసాగర, బిందు, ఇషిత, డా.ధనూష, అక్షయ్ గోయల్, ఉత్సవ్, రోహిత్గా గుర్తించారు. స్తంభాన్ని ఢీకొని కారులో మంటలు చెలరేగడంతో ప్రమాద తీవ్రతను పెంచింది. సామాజిక మాధ్యమాల్లో ప్రమాదానికి సంబంధించిన చిత్రాలు చక్కర్లు కొడుతున్నాయి. ఘటనకు గల కారణాలపై పోలీసులు దర్యాప్తు చేస్తున్నారు.