అమరావతికి భూములు ఇచ్చిన అసైన్డ్ రైతులకు ఏపీ హైకోర్టులో ఊరట లభించింది. అసైన్డ్ రైతుల భూముల క్రయ, విక్రయాలకు సంబంధించి జారీ చేసిన జీవో 316పై స్టేటస్ కో ఇస్తూ ఉత్తర్వులు జారీ చేసింది. ప్రభుత్వం ఇచ్చిన జీవో 316ను హైకోర్టులో సవాల్ చేస్తూ ఇంద్రనీల్‍బాబు  అనే న్యాయవాది పిటిషన్ వేసశారు. నోటీసులు ఇవ్వకుండా అమరావతిలో గత ప్రభుత్వం ల్యాండ్ పూలింగ్‌లో భాగంగా కేటాయించిన ప్లాట్‍లను రద్దు చేసేందుకు జీవో ఇచ్చారని లాయర్ ఇంద్రనీల్ హైకోర్టు దృష్టికి తీసుకెళ్లారు. ప్రభుత్వం వైపు వాదనలు విన్న అనంతరం స్టేటస్ కో విధిస్తూ ఏపీ హైకోర్టు నిర్ణయం తీసుకుంది. ప్లాట్ల స్వాధీనానికి చర్యలు చేపట్టవద్దని ఏఎంఆర్డీఏకు ఏపీ హైకోర్టు ఆదేశాలు జారీ చేసింది. Also Read : టీడీపీ వర్సెస్ టీడీపీ !



అమరావతి పరిధిలో  అసైన్డ్ భూములు కలిగిన రైతులు తమ అవసరాల కోసం వాటిని విక్రయించుకునేందుకు జీవో నంబర్ 41ని గత తెలుగుదేశం ప్రభుత్వం జారీ చేసింది.  వైఎస్ఆర్ కాంగ్రెస్ పార్టీ అధికారంలోకి వచ్చిన తర్వాత జీవో నంబర్ 41 ను రద్దు చేసి..  దాని స్ధానంలో జీవో నంబర్ 316 విడుదల చేశారు.  ప్రభుత్వం జారీ చేసిన 316వ నెంబర్ జీవో ప్రకారం అసైన్డ్ రైతుల నుంచి భూములు కొనడం చట్ట విరుద్ధం. జీవో ఆధారంగా గతంలో జరిగిన క్రయ విక్రయాలు చట్ట విరుద్ధమని పేర్కొంటూ లావాదేవీలు నిర్వహించిన రైతులకు నోటీసులు జారీ చేసింది.  నివాస, వాణిజ్య ఫ్లాట్ల కేటాయింపును రద్దు చేసి, వాటిని ఎందుకు వెనక్కు తీసుకోకూడదో చెప్పాలని, లేకపోతే తమ వద్ద అందుబాటులో ఉన్న ఆధారాల్ని బట్టి ఫ్లాట్ల కేటాయింపు రద్దు చేస్తామని నోటీసుల్లో తెలిపారు. ఈ నోటీసులపై అసైన్డ్ రైతులు హైకోర్టులో పిటిషన్లు వేశారు. Also Read : రైతు సమస్యలపై టీడీపీ ఉద్యమం



అసైన్డ్ రైతుల్లో ఆరు కేటగిరీలు ఉన్నాయి. వీరిలో ఓ కేటగిరీ కింద ఉన్న రైతులకు నోటీసులు జారీ చేశారు. ఈ రైతులకు ప్రభుత్వం నేరుగా అసైన్డ్ భూమి కేటాయించలేదు. కానీ కేటాయించిన వారి దశాబ్దాల కిందటే కొనుగోలు చేసి వ్యవసాయం చేసుకుంటున్నారు. ఆ భూములను అమరావతికి ఇచ్చారు. ప్రభుత్వం వారికి రిటర్నబుల్ ప్లాట్లను కేటాయించింది. అయితే అసైన్డ్ భూములపై ఇప్పటికే లావాదేవీలు జరిగినందున కొనుగోలు చేయడం చెల్లదు కాబట్టి భూముల్ని వెనక్కి తీసుకుంటామని ప్రభుత్వం జీవో జారీ చేసింది. అప్పటి ప్రభుత్వం జారీ చేసిన జీవోను బట్టే తాము క్రయ విక్రయాలు జరిపినట్లు అసైన్డ్ భూముల అమ్మకం దారులు, కొనుగోలుదారులు చెప్తున్నారు. ప్రభత్వం కూడా గుర్తించిందని .. రిటర్నబుల్ ప్లాట్లు ఇచ్చిన తర్వాత ఆ స్థలాలు, పొలాలుల తమవి కావని రద్దు చేయడం అంటే అన్యాయం చేయడమేనని రైతులు హైకోర్టును ఆశ్రయించారు. Also Read : శ్రీవారి బ్రాండ్ అగర్‌బత్తీలు.. ప్రత్యేకతలు ఇవే ..!