'దేశం.. మోదీ వైపు చూస్తుంటే ప్రపంచం.. భారత్ వైపు చూస్తోంది'

Amit Shah on PM Modi: 'దేశం.. మోదీ వైపు చూస్తుంటే ప్రపంచం.. భారత్ వైపు చూస్తోంది'

ABP Desam Updated at: 27 Oct 2021 08:05 PM (IST)

Edited By: Murali Krishna

నరేంద్ర మోదీ 20 ఏళ్ల నాయకత్వంపై కేంద్ర హోంమంత్రి అమిత్ షా ప్రశంసలు కురిపించారు.

2001లో గుజరాత్ సీఎంగా మోదీకి భాజపా అవకాశం ఇచ్చింది. అప్పటివరకు ఓ ప్రభుత్వాన్ని నడిపిన అనుభవం మోదీకి లేదు. కానీ మోదీ తనదైన మార్క్ అభివృద్ధి, పారదర్శకతతో పాలన సాగించారు. 2014కు ముందు కాంగ్రెస్ సాగించిన 10 ఏళ్ల పాలనలో కేబినెట్ మంత్రులే ప్రధానమంత్రిగా ఫీలయ్యేవారు. రోజుకో కుంభకోణం వెలుగుచూసింది. ఒకానొక దశలో మన ప్రజాస్వామ్యం కూలిపోతుందేమోనని భయమేసింది. దేశ అంతర్గత భద్రతపై ఎన్నో ప్రశ్నలు తలెత్తాయి. ఆ సమయంలో గుజరాత్ సీఎం మోదీని.. ప్రధాని అభ్యర్థిగా భాజపా ప్రకటించింది. 2014 ఎన్నికల ఫలితాలతో దేశంలో పెత్తందారుల పాలన కూలిపోయింది. ఎంతో సహనంతో ప్రజలు మోదీ నాయకత్వం వైపు మొగ్గు చూపారు. పూర్తి మెజారిటీతో దేశాన్ని మోదీ చేతుల్లో పెట్టారు. అప్పటి నుంచి ఇప్పటివరకు దేశంలో అవినీతి రహిత పాలన సాగుతోంది. పాలనలో మోదీ చేసిన మార్పులు ఏంటో మీకే తెలుసు. ఇప్పుడు అంతర్గత భద్రతతో సహా మన దేశ సరిహద్దులు కూడా భద్రంగా ఉన్నాయి. భారత ప్రతిష్ఠ ప్రపంచ నలుమూలలకు విస్తరించింది. - అమిత్ షా, కేంద్ర హోంశాఖ మంత్రి